Ministria e Mjedisit dhe Planifikimit Hapësinor (MMPH) dhe Administrata Tatimore e Kosovës (ATK) kanë nënshkruar një marrëveshje bashkëpunimi me qëllim të forcimit të bashkëpunimit ndërinstitucional, shkëmbimit të sigurt të informatave dhe avancimit të shërbimeve digjitale në funksion të zbatimit të programeve të banimit social dhe të përballueshëm.Përmes kësaj marrëveshjeje, mundësohet verifikimi elektronik i të dhënave për punësimin dhe të ardhurat e aplikuesve dhe të anëtarëve të familjes, përmes Regjistrit Elektronik për Banimin Social dhe të Përballueshëm (REBSP).Marrëveshja synon të lehtësojë procedurat administrative, të rrisë efikasitetin dhe saktësinë e verifikimit të të dhënave, si dhe të kontribuojë në një proces më transparent dhe më të besueshëm për vlerësimin e përmbushjes së kritereve për përfitim nga programet e banimit social dhe të përballueshëm.Gjithashtu, ajo përcakton detyrimet e palëve për sigurinë, konfidencialitetin dhe mbrojtjen e të dhënave personale, në përputhje me legjislacionin në fuqi.Kjo marrëveshje shënon një hap të rëndësishëm drejt digjitalizimit të proceseve administrative, forcimit të bashkëpunimit institucional dhe përmirësimit të shërbimeve publike në shërbim të qytetarëve.#MMPH #ATK #BashkëpunimInstitucional #Digjitalizim #BanimiSocial #BanimiPërballueshëm)

Për Skemën e Subvencioneve për Start-up dhe Ndërmarrje për Riciklim dhe Ekonomi QarkoreQëllimi i thirrjesMinistria e Mjedisit dhe Planifikimit Hapësinor fton start-up-et dhe ndërmarrjet e vogla të regjistruara në Republikën e Kosovës të aplikojnë për mbështetje financiare për ide dhe projekte të lidhura drejtpërdrejt me mbeturinat, riciklimin dhe ekonominë qarkore.Për t'u informuar dhe Aplikuar klikoni në linkun e më poshtëm! https://mmphi.rks-gov.net/Document/Announcements )

Ministria e Mjedisit dhe Planifikimit Hapësinor, përmes Departamentit për Planifikim Hapësinor, Ndërtim dhe Banimit – Divizionit të Banimit, me mbështetjen e Misionit të OSBE-së në Kosovë, zhvilloi dy punëtori treditore, të mbajtura më 24–26 gusht dhe 1–3 shtator 2026, të dedikuara për shqyrtimin, diskutimin dhe harmonizimin e gjashtë akteve nënligjore që burojnë nga Ligji Nr. 10/L-022 për Banimin Social dhe të Përballueshëm.Gjatë ciklit gjashtëditor u shqyrtuan dhe u diskutuan këto akte nënligjore për:- Menaxhimin e stokut të njësive të banimit social dhe qirasë në njësitë e banimit në pronësi publike dhe private;- Kriteret për përfituesit nga programet e banimit për familjet dhe individët;- Përmbajtjen e thirrjeve publike, kriteret e përshtatshmërisë, dokumentacionin e nevojshëm, aplikimin, vlerësimin dhe përzgjedhjen e përfituesve dhe punën e Komisionit të Vlerësimit;- Organizimin e brendshëm dhe funksionimin e pozitave të punës të Agjencisë së Kosovës për Banime;- Formatin dhe përmbajtjen e Dokumentit të Profilit të Banimit dhe Planit Komunal të Banimit;- Kriteret dhe procedurat për përfitim nga Programi i Banimit të Përballueshëm. Ky proces gjashtëditor përbën një hap të rëndësishëm drejt avancimit të kornizës ligjore dhe institucionale për zhvillimin e politikave dhe programeve të banimit social dhe të përballueshëm në Kosovë.MMPH falënderon të gjithë pjesëmarrësit për kontributin, angazhimin dhe bashkëpunimin e tyre, për mbështetjen e ofruar në realizimin e këtij procesi. #MMPH #OSBE #UNHabitat #WBIF #MAPL #MKK #AKK #NjMP #BanimSocial #Banim|Përballueshëm #Ligji10L022 Banim )