Ndalohet rreptësisht çdo lloj aktiviteti ndërtimor ilegal në Parqet Kombëtare
Ministrja Fitore Pacolli ka nxjerrë sot vendim që të ndalohet rreptësisht çdo lloj aktiviteti ndërtimor ilegal brenda Parqeve Kombëtare “Bjeshkët e Nemuna” dhe “Sharri” në Kosovë.
Me këtë vendim parashihet të ndalohet hyrja, transporti dhe qarkullimi i çdo mjeti që shërben për bartjen e materialeve ndërtimore, si dhe përdorimi i mjeteve të rënda të punës si eskavatorë, betonierë, buldozerë, kamionë vetëshkarkues dhe makineri të ngjajshme.
Ministrja Pacolli tha se “Ky është hapi ynë i parë në përpjekjen për të rikthyer ligjshmërinë dhe rendin në zonat e mbrojtura. Parqet tona kombëtare janë pasuri e përbashkët që duhet ruajtur secili nga ne”.
Ministria e Mjedisit dhe Planifikimit Hapësinor do të kujdeset me institucionet relevante të tjera për zbatimin e plotë të këtij vendimi.
04.03.2026
Ministria e Mjedisit dhe Planifikimit Hapësinor