Z. Hysen Durmishi, Ushtrues Detyre i Ministrit të MMPHI-së, sot së bashku me drejtorin e Departamentit për Menaxhimin e Rrugëve, z. Qamil Feka, u takuan me menaxherët e kontratave të mirëmbajtjes dhe me punë kryesit. Në takim morën pjesë edhe zyrtarë të Policisë së Republikës së Kosovës, nga Departamenti për Menaxhimin e Trafikut Rrugor, z. Jeton Rexhepi.Bashkëpunimi ndërinstitucional është kyç për më shumë siguri në rrugë dhe qarkullim më të lehtë. Nga e hëna fillojmë mirëmbajtjen dhe sanimin e gropave në të gjitha rrugët që janë në kompetencë të Ministrisë sonë. Përveç sanimit të gropave, njoftojmë edhe një herë qytetarët se jemi të përgatitur për sezonin e dimrit. Ushtruesi i Detyrës së Ministrit të MMPHI-së, z. Durmishi, edhe një herë apeloi se kujdesi i shtuar në komunikacion mbetet gjithmonë i nevojshëm.)

Ministria e Mjedisit, Planifikimit Hapësinor dhe Infrastrukturës uron të gjithë qytetarët shqiptarë për 28 Nëntorin – Ditën e Flamurit dhe të Pavarësisë së Shqipërisë.)

Më datë 25 nëntor 2025 u mbajt punëtoria e palëve të interesit në kuadër të projektit WRIPS – Water Resources Investment Preparation Study, e organizuar nga SWS Consulting Engineering në bashkëpunim me MMPHI – FLOWS.Gjatë punëtorisë u prezantua gjendja aktuale e projektit, objektivat kryesore dhe hapat e ardhshëm drejt përditësimit të vlerësimit kombëtar të burimeve ujore, përfshirë analizën ekonomike. Po ashtu, u diskutua hartimi i planit të prioritizimit të investimeve që do të mbështesin zhvillimin socio-ekonomik dhe të qëndrueshëm të vendit, në kushtet e ndikimeve në rritje të ndryshimeve klimatike.Kontributet dhe komentet nga pjesëmarrësit u vlerësuan shumë, pasi ato do të ndihmojnë në forcimin e procesit planifikues dhe në definimin e nevojave prioritare për sektorin e ujit në Kosovë.)