Mjedisi dhe Planifikimi hapësinor

INFRASTRUKTURA

Shqip

English

Srpski

Lajmet

09 shtator 2024

Ministri Aliu gjatë vizitës në Podgoricë takoi zëvendëskryeministrin e Malit të Zi, njëherit Ministrin e Zhvillimit Ekonomik të këtij shteti, z. Nik Gjeloshaj

Gjatë vizitës së sotme në Podgoricë, bashkë me Ambasadoren e Republikës së Kosovës znj. Ariana Zherka Hoxha, zhvilluam një takim të rëndësishëm me Zëvendëskryeministrin e Malit të Zi, njëherit Ministrin e Zhvillimit Ekonomik të këtij shteti, z. Nik Gjeloshaj.
Me të bashkëbiseduam për përgjegjësitë dhe fushat të cilat i mbulojmë dhe prioritetet tona të cilat lidhen me fushën e transportit. Në veçanti diskutuam për domosdoshmërinë e hapjes së koridoreve ajrore në mes të dy Republikave, hap i cili do të ndikonte në shkurtimin e kohës së fluturimit me linjat të cilat e lidhin vendin tonë me Evropën Perëndimore, e që rrjedhimisht do të ndikonte dhe në uljen e çmimit të biletave për udhëtarët.
Gjithashtu, diskutuam për rëndësinë e bashkëpunimit në realizimin e projekteve të përbashkëta infrastrukturore, të cilat përveç ndikimit në zhvillimin ekonomik të qëndrueshëm, do të ndikonin edhe në zhvillimin e turizmit të gjelbër, të të dyja vendeve. Konkretisht biseduam për rëndësinë e realizimit të projekteve infrastrukturore: Deçan - Plavë , Pejë - Çakorr - Murinë dhe Tunelin e Rozhajës.
Falënderim të veçantë për z. Gjeloshaj, për angazhimin dhe punën e tij të palodhshme, e po ashtu për bindjen dhe interesin e përbashkët që t'i shtyejmë përpara shumë projekte të përbashkëta.

Lexo dhe:

Inspektorati i MMPHI, Njësiti për Hetimin e Krimeve Mjedisore, zyrtarët e PK “Bjeshkët e Nemuna", inspektuan Bjeshkët e Strellcit

Inspektorati i MMPHI, Njësiti për Hetimin e Krimeve Mjedisore, zyrtarët e PK “Bjeshkët e Nemuna", në kuadër të aktiviteteve të Task Forces së Gjelbër inspektuan disa ndërtime ilegale në Bjeshkët e Strellcit.

Gjatë inspektimit janë hasur makineri e pajisje të ndryshme duke ushtruar veprimtari ilegale, përkatësisht gërmim dhe përgatitje të terrenit për ndërtim në prona publike.

Për të adresuar këto shkelje, janë ndërmarrë veprime të menjëhershme me ç'rast: makineritë janë sekuestruar me urdhrin e prokurorit, dhe në bashkëpunim me policinë, janë ngritur kallëzime penale ndaj individëve të përfshirë.

MMPHI është e përkushtuar për mbrojtjen e mjedisit dhe pasurive natyrore dhe do të vazhdojë të ndjekë me rigorozitet çdo rast të shkeljes së ligjit për të siguruar kështu ruajtjen e resurseve të vendit tonë.

29 gusht 2024 Lexo më shumë

Ministri Aliu takoi Zëvendëskryeministrin dhe Ministrin e Punëve të Jashtme të Malit të Zi z. Ervin Ibrahimovic

Sot zhvilluam një bisedë shumë të këndëshme me Zëvendëskryeministrin dhe Ministrin e Punëve të Jashtme të Malit të Zi z. Ervin Ibrahimovic.
Në kohën sa z. Ibrahimovic ka qenë Zëvendëskryeministër dhe Ministër i Investimeve Kapitale në Repubikën e Malit të Zi, kemi pasur mundësinë që të arrijmë marrëveshje për rrugën Deçan - Plavë, për studimin e fizibilitetit për ndërtimin e tunelit të Rozhajës, si dhe për hapjen e koridoreve ajrore mes dy vendeve. Projekte për të cilat diskutuam edhe sot, me bindjen se shumë shpejtë edhe do të jetësohen.
09 shtator 2024 Lexo më shumë
Copyright ©

Ministria e Mjedisit, Planifikimit Hapësinor dhe Infrastrukturës