Mjedisi dhe Planifikimi hapësinor

INFRASTRUKTURA

Shqip

English

Srpski

Lajmet

29 gusht 2024

Inspektorati i MMPHI, Njësiti për Hetimin e Krimeve Mjedisore, zyrtarët e PK “Bjeshkët e Nemuna", inspektuan Bjeshkët e Strellcit

Inspektorati i MMPHI, Njësiti për Hetimin e Krimeve Mjedisore, zyrtarët e PK “Bjeshkët e Nemuna", në kuadër të aktiviteteve të Task Forces së Gjelbër inspektuan disa ndërtime ilegale në Bjeshkët e Strellcit.

Gjatë inspektimit janë hasur makineri e pajisje të ndryshme duke ushtruar veprimtari ilegale, përkatësisht gërmim dhe përgatitje të terrenit për ndërtim në prona publike.

Për të adresuar këto shkelje, janë ndërmarrë veprime të menjëhershme me ç'rast: makineritë janë sekuestruar me urdhrin e prokurorit, dhe në bashkëpunim me policinë, janë ngritur kallëzime penale ndaj individëve të përfshirë.

MMPHI është e përkushtuar për mbrojtjen e mjedisit dhe pasurive natyrore dhe do të vazhdojë të ndjekë me rigorozitet çdo rast të shkeljes së ligjit për të siguruar kështu ruajtjen e resurseve të vendit tonë.

Lexo dhe:

Në mbledhjen e 218-të të Qeverisë së Republikës së Kosovës u miratua propozim-vendimi për dhënien në shfrytëzim të pesë (5) zonave kadastrale në Graqanicë

Në mbledhjen e 218-të të Qeverisë së Republikës së Kosovës miratuam propozim-vendimin për dhënien në shfrytëzim të pesë (5) zonave kadastrale në Graqanicë, me qëllim të ndërtimit të Qendrës Rezidenciale të Kosovës për autizëm, sindromë down dhe aftësi të kufizuara për fëmijë, të rritur dhe të moshuar.

Kjo nismë synon që të përmirësojë cilësinë e jetës dhe të ofrojë një mjedis të sigurt dhe stimulues për ata që kanë nevojë për kujdes të veçantë dhe mbështetje gjatë gjithë jetës së tyre. Ndërtimi i këtij kompleksi është një hap i rëndësishëm drejt integrimit dhe përkrahjes së të gjithë individëve në nevojë, gjithnjë duke kontribuar në ndërtimin e një shoqërie më të barabartë dhe më të drejtë.

 

28 gusht 2024 Lexo më shumë

Ministri Aliu gjatë vizitës në Podgoricë takoi zëvendëskryeministrin e Malit të Zi, njëherit Ministrin e Zhvillimit Ekonomik të këtij shteti, z. Nik Gjeloshaj

Gjatë vizitës së sotme në Podgoricë, bashkë me Ambasadoren e Republikës së Kosovës znj. Ariana Zherka Hoxha, zhvilluam një takim të rëndësishëm me Zëvendëskryeministrin e Malit të Zi, njëherit Ministrin e Zhvillimit Ekonomik të këtij shteti, z. Nik Gjeloshaj.
Me të bashkëbiseduam për përgjegjësitë dhe fushat të cilat i mbulojmë dhe prioritetet tona të cilat lidhen me fushën e transportit. Në veçanti diskutuam për domosdoshmërinë e hapjes së koridoreve ajrore në mes të dy Republikave, hap i cili do të ndikonte në shkurtimin e kohës së fluturimit me linjat të cilat e lidhin vendin tonë me Evropën Perëndimore, e që rrjedhimisht do të ndikonte dhe në uljen e çmimit të biletave për udhëtarët.
Gjithashtu, diskutuam për rëndësinë e bashkëpunimit në realizimin e projekteve të përbashkëta infrastrukturore, të cilat përveç ndikimit në zhvillimin ekonomik të qëndrueshëm, do të ndikonin edhe në zhvillimin e turizmit të gjelbër, të të dyja vendeve. Konkretisht biseduam për rëndësinë e realizimit të projekteve infrastrukturore: Deçan - Plavë , Pejë - Çakorr - Murinë dhe Tunelin e Rozhajës.
Falënderim të veçantë për z. Gjeloshaj, për angazhimin dhe punën e tij të palodhshme, e po ashtu për bindjen dhe interesin e përbashkët që t'i shtyejmë përpara shumë projekte të përbashkëta.
09 shtator 2024 Lexo më shumë
Copyright ©

Ministria e Mjedisit, Planifikimit Hapësinor dhe Infrastrukturës