Zhvillim i punimeve me intesitet të lartë në aksin rrugor 𝐊𝐢𝐣𝐞𝐯𝐞̈-𝐃𝐨𝐥𝐥𝐜
Me dinamikën aktuale, ku progresi po shihet çdo ditë e më shumë, rruga do të jetë gati për qarkullim brenda afatit të përcaktuar kohor.
Lajmet
𝐓𝐚𝐬𝐤 𝐅𝐨𝐫𝐜𝐚 𝐞 𝐆𝐣𝐞𝐥𝐛𝐞̈𝐫, kundër krimeve mjedisore tashmë në veprim
Si Ministri e Mjedisit, Planifikimit Hapësinor dhe Infrastrukturës, në koordinim të ngushtë me Policinë e Kosovës, sot filluam aksionin e parë në kuadër të Task Forcës së Gjelbër, kundër veprimeve e dukurive ilegale që e dëmtojnë mjedisin.
Pas aksionit të sotshëm, janë konfiskuar sasi e konsiderueshme e mjeteve të atyre që kanë vepruar ilegalisht deri më tani, konkretisht që kanë dëmtuar shtratin e lumit të Drinit të Bardhë, e që rrjedhimisht kanë shkelur ligjet mjedisore e dëmtuar edhe mjedisin.
Ju bëjmë thirrje të gjithë atyre të cilët kryejnë aktivitete të tilla ilegale, që të ndalojnë menjëherë, pasi që nuk do të ketë asnjë kompromis me ata të cilët bëjnë krime kundrejt mjedisit. Njëherit, ju njoftojmë se ky është vetëm fillimi dhe një prej aksioneve të shumta që do të ndërmarrim në vazhdimësi.
Lexo dhe:
Në Washington, D.C., në kuadër të pjesëmarrjes në “Konferencën e Bankës Botërore për Tokën”
Në Washington, D.C., në kuadër të pjesëmarrjes në “Konferencën e Bankës Botërore për Tokën”, që për këtë vit ka si temë primare: sigurimin e pronësisë së tokës dhe veprimet klimatike.
Gjatë këtij qëndrimi pata nderin që të takohem me znj. Collen Hyland, drejtoreshën për Ballkanin Perëndimor, nga Zyra për Evropën Jugore Qendrore nga Departmenti i Shtetit Amerikan (US State Department), një takim i frytshëm ku bashkëbiseduam rreth vlerave dhe prioriteteve të përbashkëta të Republikës së Kosovës dhe ShBA-së.
Znj. Hyland, e njoftova për progresin në drejtimin e Qeverisë tonë, për punën e angazhimin tonë në sektorin e ndryshimeve klimatike, ujrave, avancimin në burimet e rinovueshme, projektet e transportit hekurudhor, projektet rrugore, tranzicionin e gjelbër dhe rreth konzervimit të parqeve tona kombëtare.
Po ashtu, bashkëbiseduam për rëndësinë e posaçme të nënshkrimit të marrëveshjes së Programit Kompakt në vlerë prej 236.7 milionë dollarë, i cili njëherit është investimi më i madh në sektorin e energjisë për kosto të përballueshme, e energji të pastërt, dhe që tani Kosova është pjesë e Betimit Global të Metanit (Global Methane Pledge), si pjesë e përkushtimit tonë për tu përballuar me sfidat për reduktimin e metanit drejt një të ardhmeje më të gjelbër. Të dy këto arritje falë bashkëpunimit dhe përkrahjes së vazhdueshme që kemi marrë nga ShBA-të.
Njëherit, Znj. Hyland, i shpreha mirënjohjen time për kontributin e dhënë nga Shba-të, gjatë gjithë këtyre viteve në ngritjen e kapaciteteve profesionale në Kosovë, dhe kontributin e pakursyer të Shteteve të Bashkuara të Amerikës për shtetndërtimin e Republikës sonë.