Lajmet

INSTITUTI HIDROMETEOROLOGJIK I KOSOVËS

REAGIM ndaj Redaksisë së Televizionit Klan Kosova, lidhur me devijimin e informacionit zyrtar të IHMK-së mbi parashikimin e motit.

Instituti Hidrometeorologjik i Kosovës (IHMK) shpreh shqetësimin dhe pakënaqësinë e tij lidhur me publikimin e lajmit tuaj në rrjetet sociale, përkatësisht në faqen zyrtare në Facebook, nga intervista që stafi i KLAN Kosovës ka realizuar me Meteorologun e IHMK Z. Besim Aliu, me datë 1 dhe 2 Tetor, në këtë postim me dashje apo pa dashje është keqinterpretuar Z. Aliu duke postuar këtë lajm:

“Bora zë në befasi edhe Institutin Hidrometeorologjik, Aliu: Nuk kemi pasur të regjistruara reshjet e borës”, pastaj pas reagimit të Z. Aliut ju përsëri është keqinterpretuar duke e publikuar lajmin: “S’e kemi parapa hiç këtë mot”, duke pretenduar se po citoni fjalët e meteorologut. Pra, dy her radhazi e keni keqinterpretuar.

IHMK konstaton se ky publikim është i pasaktë dhe dezinformues, pasi bie ndesh me njoftimin zyrtar të publikuar nga IHMK më 30 shtator 2025, ku në mënyrë të qartë dhe të argumentuar është theksuar se ditën e enjte pritet të ketë reshje bore në disa zona t` vendit. Ky parashikim është publikuar në kohë në faqen zyrtare të IHMK-së në Facebook.

Edhe parashikuesi i motit Z. Aliu në intervistën live që e kishte me gazetaret tuaj e ka pohuar se reshjet e bores do ta godasin vendin në shumë zona me lartësi mbidetare mesatare dhe të ulët.

Në komunikatën tonë zyrtare është theksuar gjithashtu se, sipas të dhënave historike, nuk është regjistruar më parë një rast i rënies së borës në fillim të tetorit, respektivisht me dat` 3 Tetor, por kjo nuk nënkupton se Instituti nuk ka pasur informacion mbi mundësinë e reshjeve. Përkundrazi, njoftimi ynë ka qenë i qartë dhe i bazuar në analiza meteorologjike shkencore.

Duke publikuar një informacion të deformuar, televizioni juaj ka keqinterpretuar deklaratën zyrtare të institucionit tonë, duke krijuar perceptim të gabuar tek publiku dhe duke cenuar besueshmërinë e IHMK-së si institucion publik dhe shkencor.

Kërkojmë që televizioni Klan Kosova të:

1. Korrigjojë publikimin në rrjetet sociale dhe në platformat e tjera mediale,
2. Publikojë një sqarim zyrtar ku të pranohet gabimi dhe të theksohet se parashikimi i IHMK-së për reshje bore është publikuar më 30 shtator 2025,
3. Në të ardhmen, të konsultohet me IHMK-në për çdo informacion që lidhet me motin dhe parashikimet zyrtare, në mënyrë që të shmangen keqkuptimet dhe keqinformimet publike.

Instituti Hidrometeorologjik i Kosovës mbetet i përkushtuar për transparencë dhe bashkëpunim me mediat, me qëllim që publiku të informohet saktë dhe me kohë mbi zhvillimet meteorologjike në vend.

Me respekt,
Instituti Hidrometeorologjik i Kosovës (IHMK)
Prishtinë, më 6 tetor 2025

Sot në ambientet e Ministrisë së Mjedisit, Planifikimit Hapësinor dhe Infrastrukturës (MMPHI), kompania projektuese prezantoi raportin hidrologjik për projektin “Dizajni Detal i Digës së Pollatës”.

Në takim morën pjesë përfaqësues nga institucionet kyçe të nivelit lokal dhe qendror, përfshirë: Kabinetin e Ministrit të MMPHI-së, Ministrinë e Bujqësisë dhe Zhvillimit Rural, Komunën e Podujevës, Kompaninë Rajonale të Ujësjellësit “Prishtina”, Institutin Hidrometeorologjik të Kosovës, Autoritetin Rajonal të Pellgjeve Lumore, si dhe përfaqësues të programit FLOWS.

Raporti hidrologjik paraqet një analizë të detajuar mbi potencialin ujëmbajtës të pellgut të Pollatës, duke ofruar të dhëna të rëndësishme për planifikimin e mëtejmë të projektit. Gjatë prezantimit u theksua se ky projekt do të ketë rol vendimtar në:

• Sigurimin e furnizimit të qëndrueshëm me ujë të pijes për rajonin,
• Mundësimin e ujitjes së tokave bujqësore,
• Nxitjen e zhvillimit ekonomik dhe social në zonë.

Pjesëmarrësit vlerësuan lart punën e kryer në këtë fazë të studimit dhe theksuan rëndësinë e koordinimit ndërinstitucional për realizimin e suksesshëm të fazave të ardhshme.

Projekti i digës së Pollatës pritet të ketë një ndikim të madh në përmirësimin e infrastrukturës ujore në Kosovë.

Ministria e Mjedisit, Planifikimit Hapësinor dhe Infrastrukturës (MMPHI), në lidhje me deklaratat e përsëritura gjatë fushatës zgjedhore lidhur me kompetencat e saj për dhënien e lejeve ndërtimore, sqaron opinionin publik si vijon:

Në bazë të Ligjit Nr. 04/L-110 për Ndërtim, kompetenca për lëshimin e lejeve ndërtimore është e ndarë sipas kategorive:

Për ndërtime të kategorisë I dhe II, kompetente për lëshimin e lejeve janë komunat, ndërsa për ndërtime të kategorisë III, kompetencën për lëshimin e lejeve e ka MMPHI.

Në kategorinë e I, bëjnë pjesë ndërtime të vogla, me ndikim minimal në mjedis dhe hapësirë si shtëpi individuale banimi, objekte të vogla ndihmëse si depo, stalla etj.

Në kategorinë e II, bëjnë pjesë ndërtime me rëndësi mesatare, që kanë ndikim më të madh në mjedis si pallate banimi kolektive dhe komplekse banesore; Objekte afariste, tregtare, hotele, shkolla, spitale komunale; 

Objekte prodhuese dhe industriale të mesme etj.

trada, hekurudha, aeroporte, porte; Hidrocentrale, termocentrale, Impiante të mëdha të trajtimit të ujërave, deponi rajonale; Objekte ushtarake dhe të sigurisë kombëtare; Projekte të mëdha industriale dhe energjetike dhe çdo gjë tjetër siç parashihet në dispozitën tek shtojca 1, i Ligjit nr.04/L-110 për Ndërtimin.

Roli i MMPHI, në raport me ndërtimet e kategorive I dhe II, është vetëm në kuadër të procedurave të ankesës, ashtu siç përcaktohet në Ligjin nr. 05/L-031 për Procedurën e Përgjithshme Administrative, konkretisht:

Në rast të refuzimit të kërkesës nga komuna, pala e pakënaqur ka të drejtë ankese në MMPHI.

MMPHI shqyrton ankesën dhe mund ta aprovojë ose ta refuzojë atë siç përcaktohet në Ligjin nr. 05/L-031 për Procedurën e Përgjithshme Administrative. 

Komunat, nëse nuk pajtohen me vendimin e MMPHI-së, kanë të drejtë që brenda 30 ditëve të iniciojn procedurë për konflikt administrativ pranë gjykatës kompetente.

Prandaj, është e rëndësishme të theksohet se MMPHI nuk lëshon leje ndërtimi për kategoritë I dhe II, por vetëm për kategorinë III, dhe ushtron kompetencat e saj ligjore vetëm në kuadër të trajtimit të ankesave administrative.

MMPHI fton të gjithë akterët politikë dhe publikë që të jenë të saktë në komunikimet e tyre, në mënyrë që qytetarët të informohen drejt mbi rolin dhe përgjegjësitë ligjore të institucioneve.

Ushtruesi i detyrës së Ministrit të MMPHI-së, z. Hysen Durmishi, priti në takim njoftues Sh.T. Ambasadorin e Japonisë për Kosovë, z. Iwama Kiminori. Ai shprehu falënderimin e veçantë për mbështetjen dhe bashkëpunimin e shtetit të Japonisë me Kosovën.
Ekspertiza e tyre përbën një vlerë të shtuar dhe është e mirëpritur për Kosovën, duke shërbyer si garanci për hapa të qëndrueshëm drejt modernizimit të infrastrukturës dhe mbrojtjes së mjedisit.

U dakorduam që të koordinohemi sa më mirë për vizitën e një delegacioni të madh nga Japonia, i cili do të vijë në muajin nëntor në Prishtinë, në kuadër të Konferencës së Bashkëpunimit Kosovë–Japoni.
Ministria jonë do të mirëpresë dhe përgatisë informata kyçe e prezantime, sidomos për fushën e menaxhimit të mbeturinave dhe transportit hekurudhor, si dy sektorë me prioritet të lartë për ne.

Përfitimet nga ecja dhe çiklizmi

Përfitimet shëndetësore

Përfitimet financiare

Sot, ushtruesi i detyrës së Ministrit të Mjedisit, Planifikimit Hapësinor dhe Infrastrukturës, z. Hysen Durmishi, priti në zyrën e tij përfaqësuesit e Zyrës së BE-së në Kosovë, Ambasadës Gjermane, bankës KfW dhe agjencisë GIZ.

Gjatë diskutimit, palët ndanë dhe dakorduan qëndrimet për prioritetet në Ligjin e ri për Mbeturina, për projektet që lidhen me rehabilitimin e deponive si dhe për ndërtimin e qendrave të reja rajonale për ndarjen e mbeturinave.

Z. Durmishi theksoi se sektori i mbeturinave do të mbetet prioritet për Qeverinë dhe për të si Ministër. Ai shtoi se me reformën ligjore tashmë të nisur dhe me financimin që do të rritet, synohet një zbatim i qëndrueshëm dhe përmirësim i dukshëm në menaxhimin e mbeturinave në Kosovë.

Prishtinë, 08 Shtator 2025 – Hotel Sirius

Ministria e Mjedisit, Planifikimit Hapësinor dhe Infrastrukturës (MMPHI), në bashkëpunim me Zyrën e Kryeministrit, Ambasadën e Republikës Federale të Gjermanisë dhe GIZ-in, organizoi sot ngjarjen e lansimit të Sistemit i Licencave për autshkolla dhe profesione.

Ky sistem i ri është pjesë e procesit të digjitalizimit të shërbimeve publike, me synim rritjen e transparencës, efikasitetit dhe lehtësimin e procedurave për qytetarët dhe profesionistët e fushës së transportit.

Në fjalën kryesore ushtruesi i detyrës i Ministrit të MMPHI-së z. Hysen Durmishi, theksoi se ky projekt është plotësisht në harmoni me vizionin strategjik të Kosovës, duke u bazuar në Objektivin Strategjik 3 të Strategjisë së Transportit Multimodal – Transport i Mençur dhe i Qëndrueshëm, si dhe në Objektivin Specifik 3.1 – Zgjidhjet digjitale dhe inovative në sektorin e transportit.

Në përfundim z.Durmishi tha se:"Sot nuk po e lansojmë vetëm një sistem digjital. Sot po e lansojmë një vizion të ri për transportin në Kosovë – një vizion ku teknologjia dhe inovacioni janë mjet për të ndërtuar një shtet modern, transparent dhe të drejtë."

Më pas, të pranishmëve iu drejtuan edhe :

• z. Daniel Alker, Shef i Bashkëpunimit për Zhvillim në Ambasadën e Gjermanisë,
• z. Lulëzon Jagxhiu, Këshilltar për TIK i Kryeministrit,
• z. David Oberhuber, Drejtor i GIZ në Kosovë dhe Maqedoninë e Veriut.

Gjatë ngjarjes, pjesëmarrësit patën mundësi të njihen me funksionalitetet e sistemit, i cili do të mundësojë ofrimin e shërbimeve më të shpejta, më të sigurta dhe në përputhje me standardet moderne të qeverisjes digjitale.

Ministria e Mjedisit, Planifikimit Hapësinor dhe Infrastrukturës mbetet e përkushtuar në avancimin e shërbimeve publike përmes inovacionit dhe teknologjisë, duke vendosur qytetarin në qendër të proceseve dhe përfitimet në hapat e ardhshëm të implementimit të këtij sistemi.

Hysen Durmishi caktohet ushtrues i detyrës së Ministrit të Mjedisit, Planifikimit Hapësinor dhe Infrastrukturës

Prishtinë, 27 gusht 2025

Kryeministri në detyrë i Republikës së Kosovës, Albin Kurti, ka caktuar sot zëvendësministrin e deritanishëm të Mjedisit, Planifikimit Hapësinor dhe Infrastrukturës, Hysen Durmishi, ushtrues të detyrës së Ministrit të Mjedisit, Planifikimit Hapësinor dhe Infrastrukturës, pas dorëheqjes dhe lirimit nga detyra të ministrit të këtij dikasteri, Liburn Aliu.

Kryeministri Kurti e uron z. Durmishi për përgjegjësinë e re dhe i dëshiron suksese në përmbushjen e detyrave