Mjedisi dhe Planifikimi hapësinor

INFRASTRUKTURA

Shqip

English

Srpski

Lajmet

08 korrik 2025

U mbajt takimi i parë i Grupit Punues Ndër-Institucional për hartimin e Planit Hapësinor për Kompleksin Memorial “Adem Jashari” në Prekaz

Sot u mbajt takimi i parë i Grupit Punues Ndër-Institucional për hartimin e Planit Hapësinor për Kompleksin Memorial “Adem Jashari” në Prekaz.
Plani ka për qëllim të ruajë dhe zhvillojë këtë hapësirë me rëndësi të veçantë historike dhe kombëtare, duke e trajtuar atë me kujdesin dhe vëmendjen që meriton.
Ky është një proces ndërinstitucional, gjithëpërfshirës dhe i udhëhequr nga Ministria e Mjedisit, Planifikimit Hapësinor dhe Infrastrukturës përmes Institutit për Planifikim Hapësinor.
Kompleksi Memorial “Adem Jashari” nuk është vetëm një vend i kujtesës, por një simbol i sakrificës dhe rezistencës së popullit të Kosovës. Përmes këtij plani, synojmë të sigurojmë një të ardhme të dinjitetshme për këtë hapësirë me vlera të pazëvendësueshme.

Lexo dhe:

Në Brod të Dragashit u mbajt kampi rajonal “UNDER ONE SKY – Astronomy Youth Peace-Camp 2025

Nën një qiell të përbashkët, për një të ardhme të gjelbër dhe të ndriçuar nga dija!
Nga data 20 deri më 22 qershor 2025, në Brod të Dragashit u mbajt kampi rajonal “UNDER ONE SKY – Astronomy Youth Peace-Camp 2025”, organizuar nga Astronomy Club of Kosova (ACK) me mbështetjen e RYCO/RYCOnnecting You(th) dhe me përkrahjen e Ministrisë së Mjedisit, Planifikimit Hapësinor dhe Infrastrukturës.
Kampi mblodhi së bashku të rinj nga i gjithë Ballkani Perëndimor, përfshirë përfaqësues nga rrjeti Young European Ambassadors (YEA), për të promovuar bashkëpunimin ndëretnik, edukimin shkencor dhe vetëdijësimin për mbrojtjen e mjedisit.
Aktivitetet përkuan simbolikisht me Solsticin e Verës dhe Javën e Mjedisit, duke sjellë në qendër të vëmendjes fuqinë që ka shkenca për të bashkuar të rinjtë në frymë paqeje dhe qëndrueshmërie.
Përgëzoj ekipin e ACK, Shoqatën për Kërkim-Shpëtim, Policinë Rajonale të Dragashit, partnerët vendorë e ndërkombëtarë, dhe të gjithë të rinjtë pjesëmarrës për përkushtimin dhe entuziazmin e tyre. Ky kamp ishte një shembull se si nën një qiell të përbashkët, mund të ndërtojmë ura të reja bashkëpunimi, dije dhe shprese.
25 qershor 2025 Lexo më shumë

Takimi në Komunën e Klinës, me kryetarin e komunës, z. Zenun Elezaj

Para tre vitesh, gjatë një takimi në Komunën e Klinës, kryetari i komunës, z. Zenun Elezaj, më pati shprehur rëndësinë që do të kishte ndërtimi i rrugës transiti i Klinës për qytetin. Sot pata kënaqësinë të shoh nga afër progresin që është arritur, falë mbështetjes dhe bashkëfinancimit të Ministrisë së Mjedisit, Planifikimit Hapësinor dhe Infrastrukturës.
Rruga transit, përveç se do të lehtësojë ndjeshëm qarkullimin dhe qasjen në zonat përreth, krijon qasje edhe për zonën arkeologjike të Dresnikut, duke ndërthurur zhvillimin infrastrukturor me rëndësinë kulturore dhe historike të vendit.
Në LOT-in 2 të këtij projekti, të cilin e vizituam bashkë me Kryetarin Elezaj, janë duke u realizuar punime në një gjatësi prej 1550 metrash që përfshin dy ura, trotuare dhe shtigje për biçikleta. Vlera e përgjithshme e projektit është rreth 8.5 milionë euro, ndërsa vetëm LOT-i 2 kap vlerën prej gati 2 milionë euro.
14 korrik 2025 Lexo më shumë
Copyright ©

Ministria e Mjedisit, Planifikimit Hapësinor dhe Infrastrukturës