Mjedisi dhe Planifikimi hapësinor

INFRASTRUKTURA

Shqip

English

Srpski

Lajmet

25 qershor 2025

Në Brod të Dragashit u mbajt kampi rajonal “UNDER ONE SKY – Astronomy Youth Peace-Camp 2025

Nën një qiell të përbashkët, për një të ardhme të gjelbër dhe të ndriçuar nga dija!
Nga data 20 deri më 22 qershor 2025, në Brod të Dragashit u mbajt kampi rajonal “UNDER ONE SKY – Astronomy Youth Peace-Camp 2025”, organizuar nga Astronomy Club of Kosova (ACK) me mbështetjen e RYCO/RYCOnnecting You(th) dhe me përkrahjen e Ministrisë së Mjedisit, Planifikimit Hapësinor dhe Infrastrukturës.
Kampi mblodhi së bashku të rinj nga i gjithë Ballkani Perëndimor, përfshirë përfaqësues nga rrjeti Young European Ambassadors (YEA), për të promovuar bashkëpunimin ndëretnik, edukimin shkencor dhe vetëdijësimin për mbrojtjen e mjedisit.
Aktivitetet përkuan simbolikisht me Solsticin e Verës dhe Javën e Mjedisit, duke sjellë në qendër të vëmendjes fuqinë që ka shkenca për të bashkuar të rinjtë në frymë paqeje dhe qëndrueshmërie.
Përgëzoj ekipin e ACK, Shoqatën për Kërkim-Shpëtim, Policinë Rajonale të Dragashit, partnerët vendorë e ndërkombëtarë, dhe të gjithë të rinjtë pjesëmarrës për përkushtimin dhe entuziazmin e tyre. Ky kamp ishte një shembull se si nën një qiell të përbashkët, mund të ndërtojmë ura të reja bashkëpunimi, dije dhe shprese.

Lexo dhe:

Ministri i MMPH-se z.Aliu priti ambasadorin e ri te OSBE, Gerard McGurk, në një takim njoftues,

Kishim kënaqësinë të mirëpresim Ambasadorin e ri te OSBE, Gerard McGurk, në një takim njoftues, ku diskutuam bashkëpunimin e deritanishëm dhe synimet për të ardhmen.
Ndër temat e prekura ishte edhe angazhimi ynë në përballje me sfidat e ndryshimeve klimatike. Ambasadori McGurk vlerësoi punën dhe përkushtimin e MMPHI-së, ndërsa nga të dyja palët u theksua vullneti për të vazhduar, forcuar dhe zgjeruar më tej bashkëpunimin tonë.
24 qershor 2025 Lexo më shumë

U mbajt takimi i parë i Grupit Punues Ndër-Institucional për hartimin e Planit Hapësinor për Kompleksin Memorial “Adem Jashari” në Prekaz

Sot u mbajt takimi i parë i Grupit Punues Ndër-Institucional për hartimin e Planit Hapësinor për Kompleksin Memorial “Adem Jashari” në Prekaz.
Plani ka për qëllim të ruajë dhe zhvillojë këtë hapësirë me rëndësi të veçantë historike dhe kombëtare, duke e trajtuar atë me kujdesin dhe vëmendjen që meriton.
Ky është një proces ndërinstitucional, gjithëpërfshirës dhe i udhëhequr nga Ministria e Mjedisit, Planifikimit Hapësinor dhe Infrastrukturës përmes Institutit për Planifikim Hapësinor.
Kompleksi Memorial “Adem Jashari” nuk është vetëm një vend i kujtesës, por një simbol i sakrificës dhe rezistencës së popullit të Kosovës. Përmes këtij plani, synojmë të sigurojmë një të ardhme të dinjitetshme për këtë hapësirë me vlera të pazëvendësueshme.
08 korrik 2025 Lexo më shumë
Copyright ©

Ministria e Mjedisit, Planifikimit Hapësinor dhe Infrastrukturës