Mjedisi dhe Planifikimi hapësinor

INFRASTRUKTURA

Shqip

English

Srpski

Lajmet

05 tetor 2023

Sot, vizituam Agjencinë Kadastrale të Kosovës, me ç’rast bashkëbiseduam për të arriturat, projektet, punët, aktivitetet dhe planifikimet

Sot, vizituam Agjencinë Kadastrale të Kosovës, me ç’rast bashkëbiseduam për të arriturat, projektet, punët, aktivitetet dhe planifikimet e mëtutjeshme në vijim.

Përgjatë Qeverisjes tonë, Agjencia Kadastrale e Kosovës ka bërë ndryshime rrënjësore, ku në kuadër të reformave drejt digjitalizimit për rritjen e cilësisë, efikasitetit dhe transparencës si dhe zhvillimeve të përgjithshme dhe avancimeve të reja, kemi ofruar shërbime cilësore për të gjithë qytetarët.

Përmes krijimit të një infrastrukture të duhur ligjore, është aprovuar për herë të parë në Republikën e Kosovës, Ligji për Infrastrukturë Kombëtare të Informacionit Hapësinor (IKIH) i cili është në fuqi nga muaji Korrik, 2022. Po ashtu, Ligji për Kadastër që do të miratohet së shpejti, do të ndikojë që problemet pronësore që i kanë përcjellur qytetarët përgjatë këtyre 20 viteve të zgjidhen.

Përveç realizimit të projekteve madhore, vlen të theksohet se gjatë këtij mandati qeverisës kemi arritur të digjitalizojmë listën e shërbimeve pronësore që tani mund të merren “online” përmes platformës eKosova, ku përpos Certifikatës mbi të drejtat pronësore në pronën e paluajtshme, tani i janë shtuar edhe nxjerrja e produkteve te tjera.

Gjithashtu së fundmi janë lansuar edhe shërbime si:

🔹 Aplikacioni për gjurmimin e lëndëve 24/7, nga qytetarët që kërkojnë shërbime kadastrale, ku secila palë në çdo kohë mund të informohet mbi statusin e lëndës dhe nevojën eventuale për plotësim me dokumente shtesë në lidhje me kërkesat eventuale,
🔹Zhvillimi dhe avancimi “trajtimi i kërkesave sipas radhës”, pra, kush aplikon i pari do të shërbehet i pari, duke pamundësuar kështu favorizime në kërkesa, dhe
🔹Krijimi i mundësisë që në Sistemin e Informacionit Kadastral të vendoset shënimi për noter dhe përmbarues për akte noteriale, përkatësisht urdhëra përmbarimorë, përmes të së cilës rritet siguria për qytetarët në transaksionet e tyre.

Përkushtimi dhe investimi ynë në Agjencinë Kadastrale të Kosovës ka mundësuar që qytetarët të kenë shërbime të shpejta e cilësore. Parimet dhe objektivat e një agjencie shtetërore gjithmonë duhet të kenë në cak shërbime transparente, cilësore dhe të shpejta ndaj qytetarëve. Përkrahja e Ministrisë së Mjedisit, Planifikimit Hapësinor dhe Infrastrukturës për këtë institucion nuk do të mungojë.

Lexo dhe:

Mbahet takimi koordinues ndërlidhur me aktin e sapomiratuar nënligjor për Reduktimin e Qeseve Plastike, Sistemin e Rimbursimit të Depozitës si dhe në veçanti për lansimin e fushatës sensibilizuese për qytetarët

Sapo mbajtëm takimin koordinues, ku bashkë me z. Johannes Madsen, Shefin e Bashkëpunimit nga zyra e BE-së në Kosovë, z. Stefan Mager, Menaxherin e Projektit nga GIZ, si dhe kolegë nga Ministria e Mjedisit, Planifikimit Hapësinor dhe Infrastrukturës, patëm diskutim të frytshëm me sektorin privat ndërlidhur me aktin e sapomiratuar nënligjor për Reduktimin e Qeseve Plastike, Sistemin e Rimbursimit të Depozitës si dhe në veçanti për lansimin e fushatës sensibilizuese për qytetarët.

Bashkarisht me sektorin privat diskutuam për sfidat e përbashkëta që i kemi, stimulimin e ripërdorimit, rikoordinimin e punës sensibilizuese dhe zbatimin e përgjegjësive të secilës palë e institucion. Jemi të një zëri, për koordinim të mëtutjeshëm, e në veçanti për zbatim të ligjit sa i përket qeseve plastike. Është më e domosdoshme se kurdoherë që t’i largojmë nga përdorimi njëherë e përgjithmonë qeset plastike njëpërdorimshe, që njëherit rezultojnë që të jenë edhe ndotësi kryesor i ujërave e lumenjve tanë.

Gjatë periudhës në vijim, të gjitha institucionet e përfshira në këtë proces do të koordinojnë punën mes tyre dhe do të fokusohen në ushtrimin e kontrolleve dhe inspektimeve, në mënyrë që të garantohet zbatimi i ligjit sa i përket qeseve plastike, si dhe të marrjes së masave të parashikuara ligjore në rastet kur do të konstatohet mos zbatimit i ligjit.

Ju bëjmë thirrje të gjithë qytetarëve që të reduktojnë përdorimin e qeseve plastike!
04 tetor 2023 Lexo më shumë

“Ditën Botërore për Mbrojtjen e Kafshëve” u shënua me aktivitete të ndryshme


Ministria e Mjedisit, Planifikimit Hapësinor dhe Infrastrukturës në bashkë organizim me Ministrinë e Arsimit, Shkencës, Teknologjisë dhe Inovacionit, Fondacionin për të drejtat e  kafshëve, OJQ  ERA, shënuan 04 tetorin  2023 “Ditën Botërore për Mbrojtjen e Kafshëve” me aktivitete të ndryshme.

 

Më 4 tetor u hap ekspozita në MMPHI me fotografi për llojet e mbrojtura dhe llojet strikt të mbrojtura. Kjo ekspozitë do të jetë e hapur deri më 06 tetor 2023.

Përderisa në vendin me rëndësi të veçantë në Blinajë u mbajt punëtori me rastin e shënimit të 4 tetorit “Ditën Botërore për Mbrojtjen e Kafshëve”. Hapja e takimit e bëri z. Besmir Kokollari- Kryesues i Këshillit Organizativ i cili theksoi aktivitetet e vazhdueshme në kuadër të MMPHI-së për ngritjen e nivelit të edukimit dhe ndërgjegjësimit mjedisor dhe përkushtimin për mbrojtjen e kafshëve.

 

Ndërsa znj. Merita Jonuzi, anëtare e KO-tiv dhe përfaqësuese  nga MASHT-it përshëndeti iniciativën e MMPHI-së që në bashkëpunim me institucionet relevante realizuan ligjërata  për “Ditën Botërore për Mbrojtjen e Kafshëve”, si dhe në kuadër të Artit figurativ të realizohen vizatime me temat: roli im në mbrojtjen e kafshëve; kafshët dhe dobia për njeriun dhe mjedisin; si të kujdesemi për kafshët?

 

Përderisa znj. Elza Ramadani Drejtore Ekzekutive e Fondacionit për të drejtat e kafshëve theksoi rëndësinë e jashtëzakonshme të kafshëve në planetin tonë, duke filluar nga kafshët shoqëruese, kafshët në ferma dhe deri tek kafshët e egra. Ne duhet të punojmë të gjithë së bashku, si individë dhe institucione, për të siguruar që çdo kafshë të trajtohet me dinjitet, respekt dhe dhembshuri.

 

 

Zyrtari i AMMK-se Ali Sefaj prezantoi Historikun e mbrojtjes se kafshëve tek shqiptaret ku me theks të veçantë përmendi kafshët qenin dhe macen të cilat janë trajtuar në mënyrë të veçantë. Kornizën ligjore për mbrojtjen e të  drejtave të kafshëve, legjislacionin primar dhe sekondar me të cilin rregullohet mbajtja, kujdesi, strehimi, mbarështimi, transportimi dhe çështje të tjera të lidhura me përkujdesjen ndaj kafshëve.

 

Ndërsa znj. Nexhmije Kamberi nga Instituti per Mbrojtjen e Natyrës prezantoi për , llojet e mbrojtura dhe llojet strikt të mbrojtura si dhe obligimet që ka Kosova nga institucionet ndërkombëtare dhe direktivat e BE-së.

Të gjithë pjesëmarrësit dhe studentët studentët e UP-së, (FSHMN-së), realizuan vizitë dhe vrojtim në Blinajë.

05 tetor 2023 Lexo më shumë
Copyright ©

Ministria e Mjedisit, Planifikimit Hapësinor dhe Infrastrukturës