Lajmet

Sot pata kënaqësinë të jem pjesë e Mbledhjes së Parë Themeluese të Odës së Arkitektëve të Kosovës, një moment historik për sektorin e arkitekturës në vendin tonë. Ky institucion do të shërbejë si platformë për zhvillim profesional, shkëmbim përvojash dhe rritjen e standardeve, duke harmonizuar praktikat tona me ato rajonale dhe evropiane.

Ky është hap i rëndësishëm që fuqizon profesionistët dhe ndihmon në krijimin e një sistemi të qëndrueshëm për zhvillimin e arkitekturës në Kosovë.

Falënderoj të gjithë ata që kontribuan në realizimin e këtij procesi dhe konfirmoj mbështetjen tonë të vazhdueshme për Odën, duke përfshirë mbështetjen financiare dhe investimin në edukimin e vazhdueshëm profesional. Së bashku, do të ndërtojmë një të ardhme më të mirë për profesionin dhe për zhvillimin e qëndrueshëm të vendit tonë.

Tashmë janë mbajtur mbledhjet e para të Odës së Inxhinierëve dhe Odës të arkitektëve, duke marrë hapa të rëndësishëm drejt zhvillimit të mëtejshëm të profesionit, bashkëpunimit dhe harmonizimit të praktikave arkitekturore dhe inxhinierike me ato të shteteve të rajonit dhe BE-së.

Ky proces nuk do të ishte i mundur pa angazhimin e Komisionit Ministror, i cili ka bërë një punë të jashtëzakonshme duke shqyrtuar aplikimet për licencim, për nominim për organet e Odave, hartuar rregulloret e nevojshme dhe përgatitur mbledhjet konstituive. Shpreh mirënjohjen time të thellë për përkushtimin dhe profesionalizmin e treguar në çdo hap të këtij procesi, duke themeluar te dy Odat, atë të Inxhinierëve dhe Arkitektëve.