Lajmet

Ishte nisur në vitin 2019 si projekt, por asnjëherë nuk ishte trajtuar siç duhet me buxhet deri me ardhjen tonë në Qeveri.

Sot, bashkë me kryeministrin Kurti, zv.ministrat Jeton Raka e Hysen Durmishi, shefin e kabinetit, Valon Hoti dhe bashkëpunëtorë tanët në Sharr e përuruam aksin rrugor Zhur-Brod.

42 kilometër rrugë. Rreth 7.9 milionë euro është kostoja e këtij investimi, që është zhvilluar në dy llote: Zhur-Dragash dhe Dragash-Brod.

Të gjithëve na kujtohet rruga e vjetër nga Zhuri në Sharr e edhe deri në Brod, që shkaktonte shumë vështirësi tek qytetarët. E tani kemi rrugën me tre korsi deri në Dragash e me infrastrukturë të mirërregulluar.

Qarkullim e qasje shumëherë më e lehtë për të gjithë qytetarët që të vizitojnë pejsazhin e jashtëzakonshëm që ka kjo zonë.

Urime të gjithë qytetarëve!

Aeroporti i Prishtinës është në shërbim gjatë tërë kohës, pasi ka të instaluar dhe funksional sistemin e avancuar të aterrimit ILS CAT IIIb, i cili mundëson aterime edhe në kushte të mjegullës së dendur, deri në dukshmëri minimale prej 50 metrash.

Fluturimet me pilotë të certifikuar për përdorimin e këtij sistemi kanë ateruar me sukses, ndërsa ato fluturime pa certifikimin e nevojshëm janë anuluar ose devijuar.

46 ardhje-shkuarje janë realizuar me sukses, ndërsa 12 janë anuluar në ardhje.