Lajmet

Pas përurimit të rrugës Zhur-Brod vazhduam me përurimin e një projekti tjetër të rëndësishëm, atij Prevallë-Prizren.

Bashkë me kryeministrin Kurti, zv. ministrat Jeton Raka e Hysen Durmishi, shefin e kabinetit, Valon Hoti, deputetët dhe bashkëpunëtorët tanë nga Prizreni përuruam Rrugën Prizren – Prevallë.

Kjo rrugë, me një investim prej 15.7 milionë eurosh, është zgjeruar dhe modernizuar, duke e transformuar atë nga një sfidë për qytetarët në një rrugë më të qasshme, që njëkohësisht bën të mundur të shijohet pejsazhi pa shqetësime.

Rruga është zgjeruar nga 6 metra në 6.8 deri në 10 metra, ndërsa në pjesë të ndryshme është bërë me 3 korsi nga 2 sa ishin më herët. Ky investim jo vetëm që lehtëson jetën e përditshme të qytetarëve, por hap mundësi të reja për zhvillim ekonomik dhe turizëm në këtë zonë të mrekullueshme dhe me potencial të madh.

Ministri Aliu mbajti takim me Ambasadën e Zvicrës, Ambasadën e Gjermanisë dhe GIZ-in, ku diskutuam për projektin e ri për planifikimin hapësinor të qëndrueshëm brenda projektit Kosova Green. Përmes këtij projekti do të reformohet korniza legjislative e planifikimit hapësinor për të standardizuar dhe lehtësuar planifikimin për projekte të energjisë së pastër, si dhe për të orientuar komunat në planifikimin hapësinor që merr parasysh rreziqet nga vërshimet.

Brenda 3 viteve të ardhshme, ky projekt do të mbështesë Institutin për Planifikimin Hapësinor dhe Departamentin e Planifikimit Hapësinor, Ndërtimit, dhe Banimit.