Lajmet

Për herë të parë delegacioni i Republikës së Kosovës, po merr pjesë në Konferencën e COP27, nën Konventën e Kornizës për Ndryshime Klimatike të Kombeve të Bashkuara (UNFCCC) në Egjipt.

Delegacioni i parë nga Republika e Kosovës, kryesohet nga Ministri z. Liburn Aliu, Deputetja e Parlamentit dhe Kryesuesja e Komisionit për Mjedis, znj. Fitore Pacolli-Dalipi, dhe z. Kenan Tora, Diplomat nga Ministria e Punëve të Jashtme dhe Diasporës. 

Në mbështetje të delegacionit të parë nga Republika e Kosovës janë, z.Agim Mazreku, i angazhuar nga UNDP si Analist i Politikave Mjedisore për Këshillin Ndërministror të Ndryshimeve Klimatike dhe z. Stefan Mager nga GIZ-i Gjerman.

Gjatë takimit theksova se qëndrojmë këmbëngulës drejtë synimit tonë për anëtarësim në (IRENA), pasi që ambiciet tona për dekarbonizimin i kemi të përbashkëta, dhe ato lidhen ngushtë me zhvillimin e industrisë për Energji të Ripërtëritshme. 

Për më shumë, potencova se Kosova është partner proaktiv dhe konstruktiv, dhe se kërkojmë bashkëpunim të bazuar në vlerat e BE-së, që do të mundësojnë përparimin dhe avancimin e mëtutjeshëm të Republikës së Kosovës. Z. La Camera, shprehu se është i gatshëm që ta ndihmojë Kosovën, për përgatitjet teknike të nevojshme, në mënyrë që të kemi tranzicionin e duhur drejt industrisë së Energjisë së Ripërtëritshme.