Lajmet

Prishtinë

14 nëntor 2022

Me rastin e Ditës Ndërkombëtare të Përkujtimit, sot filloi fushata: përkujto, mbështet, vepro, e cila fushatë organizohet tani e tetë vite në vendin tonë.

Lidhur me fillimin e kësaj fushate zëvendësministri I Ministrisë së Mjedisit, Planifikimit, Hapësinor dhe Infrastrukturës, Hysen Durmishi, theksoi:”Aksidentet rrugore janë shkaku kryesor I vdekjeve të njerëzve, dëmeve materiale, në përgjithësi në botë janë duke u bërë shkak I tragjedive të mëdha perersonale, kostove të mëdha sociale dhe kostove ekonomike, lëndimve të njerëzve si dhe shkaktimit të dëmtimeve të pronës publike si dhe të asaj private. 

Çdo vit mëse 1.17 milionë njerëz vdesin nga aksidenet rrugore, në gjithë botën. Çdo vit mëse 10 milionë njerëz gjatë aksidenteve janë lenduar lehtë ose janë lenduar rëndë. Aksidentet në trafikun rrugor paraqiten si problem multidisciplinar, rrjedhimisht edhe përballja me këtë problem, kërkon angazhimin e të gjithëve. Vetëm në këtë menyrë mund të kemi sukses, në uljen e aksidenteve, rrjedhimisht në numrin e personave të vdekur në trafikun rrugor, që paraqitet si problem serioz për të gjitha insitucionet dhe qytetarët e Republikës së Kosovës. Për një vit nga 2020 deri në vitin 2021, në rrugët e Kosovës, kanë humbur jetën 192 persona, një shifër shqetësuese. 

Ne si ministri dhe si institucione jemi duke investuar në çështjen e sigurisë rrugore. Që nga viti 2017 e deri në këtë vit, në 37 për qind të territorit të Kosovës, nuk ka pasur kontrata për mirëmbajtje dhe sinjalizim. Këtë vit i kemi gjashtë kontrata të nënshkruara, dhe aktualisht janë realizuar më 80 për qind të këtyre kontratave në rrjetin e sinjalistikës në gjithë territorin e Kosovës. Kjo ndikon jashtëzakonisht shumë në sigurinë rrugore. Do të kujdesemi që në vazhdimësi të kemi kontrata të tilla edhe në vitet në vazhdim, që ta rregullojmë sadopak gjendjen në aspektin e sinjalistikës. Të gjithë ne jemi pjesëmarrës në trafikun rrugor, e që njëkohësisht të gjithë ne jemi përgjegjës për sigurinë në komunikacionin rrugor, dhe secili nga ne mund të kontribuojmë në dobi të gjendjes së përmirësimit të gjendjes në trafikun rrugor. 

Edhe këtë vit, ne si MMPHI, së bashku me institucionet tjera, po realizojmë aktivitete për shënimin e kësaj dite, me urimet që vitet e ardhshme të kemi sa më pak aksidente rrugore, sa më pak të vdekur dhe të lënduar në trafik”. 

Nënkolonel Jeton Rexhepi, theksoi se Policia e Kosovës është duke punuar në rritjen e sigurisë së qytetarëve, në lëminë e sigurisë rrugore në trafikun rrugor. Nga nesër fillon, sezoni dimëror, andaj bëjmë thirrje tek të gjithë pjesëmarrësit në trafikun rrugor, që t’I përshtaten kushteve dhe rregullave të parapara me Ligj. “ Të mos përkujtojmë viktima por të jetojmë së bashku” tha Rexhepi.

Ndërsa Muhamed Krasniqi,  Asociacioni Kosovar I Motorizimit (AMRKS), tha se të gjitha institucionet duhet që të bashkohemi lidhur me rritjen e sigurisë në komunikacionin rrugor. Njëherit Krasniqi kërkoi nga institucionet e drejtësisë që të hetohen detajisht shkaktarët e aksidenteve. 

Sami Mazreku, NGA Byroja Kosovare e Sigurimeve, theksoi se ka shënuar rënje e aksidente pas vendosjes së stikersave që identifikojnë automjetet  e regjistruara. Që nga vendosja e tyre ky numër ka rënë për 200-250 aksidente më pak.

Kjo fushatë do të zgjasë një javë, duke u zhvilluar aktivitete të ndryshme nëpër shkolla  për vetëdijësimin e nxënësve lidhur me sigurinë në trafikun rrugor, do të organizohet tryezë diskutimit: “Drejtësia në raport me aksidentet rrugore në Kosovë“, postimet e materialeve lidhur me sigurinënë komunikacionin  rrugor për të gjithë pjesëmarrësit, përmes publikimeve dhe shfaqjeve të videove në televizione dhe radio.

Ndërsa me 20 nëntor, në sheshin “Zahir Pajaziti” do të vendoset instilacioni me mbishkrimin:” Drejtësi”.

Me znj. Lührmann, patëm një bashkëbisedim konstruktiv e të frytshëm për një gamë të gjerë temash, përfshirë pjesëmarrjen e Kosovës në COP27 dhe adaptimin ndaj ndryshimeve klimatike, pasi që vit pas viti përballemi me vërshime, thatësira, e zjarre, si dhe në veçanti për mbështetjen ndaj Kosovës për qasje në mekanizma dhe procese të UNFCCC. 

Theksova se po angazhohemi që politikat qëndrore të Republikës së Kosovës të jenë në përputhje me strategjitë kombëtare dhe agjendën e gjelbër të Bashkimit Evropian, si dhe për dekarbonizimin deri në vitin 2050 përmes një tranzicioni të drejtë energjetik e mjedisor, brenda kornizës së ekonomisë qarkore. 

Në këtë takim riafirmuam partneritetin e ngushtë që e kemi me Gjermaninë, dhe shpreha mirënjohjen time për përkrahjen dhe kontributin e tyre të pakursyer, veçanërisht për ndihmën e vazhdueshme të Gjermanisë ndaj Kosovës, për Energji dhe Klimë.