Konferencë e Ministrit Aliu për projektin e Rindërtimit të Kadastrit ne 115 Zona Kadastrale
Një ndër projektet më strategjike për Kosovën – Rindërtimi i 115 Zonave Kadastrale, që synon modernizimin e sistemit kadastral dhe përmirësimin e saktësisë së të dhënave pronësore në vend, u prezantua në konferencën e mbajtur sot.
Bashkë me z. Avni Ahmeti, Drejtorin Ekzekutiv të Agjencisë Kadastrale të Kosovës, ju bëmë thirrje të gjithë qytetarëve që të përfshihen aktivisht në këtë proces, që do të hapë rrugë për zgjidhjen e problemeve shekullore me trashëgimi të pronave dhe që kontribuon në zhvillimin
ekonomik të Kosovës.
Projekti do të nis zyrtarisht më 14 prill 2025, dhe qytetarët do të informohen me kohë për mënyrën dhe hapat që duhet ndjekur për përfshirje.
