MMPHI

Në Bruksel, në Asamblenë e përgjithshme të Këshillit të Arkitektëve të Evropës (ACE-së), po merr pjesë për herë të parë Asociacioni i Arkitektëve të Kosovës

Lajm shumë i mirë, që në këtë Asamble, pas një angazhimi të gjatë e intenziv, Asociacioni i Arkitektëve të Kosovës, është pranuar Anëtar Vëzhgues (që njëherit është statusi maksimal për shtetet jo-anëtare të BE-së)

Kosova ka inaguruar Ekspozitën "ARKITEKTURA NË KONTEKST TRADICIONAL", konceptet bashkëkohore të restaurimit, rivitalizimit dhe zgjerimit, të aplikuara në projektet e monumenteve të Trashëgimisë Arkitekturore të disa qyteteve dhe fshatrave të Kosovës, ku pjesëmarrës ishin kryetarja e ACE-së, përfaqësuesit e asociacionit të Arkitektëve të Evropës dhe gjithë shteteve anëtare të BE-së dhe të interesuarit tjerë.

Kjo ekspozitë përfshin projektet konceptuale të realizuara nga studentët e nivelit master në kuadër të hartimit të temave të seminarit dhe temave të masterit të realizuara nën mentorimin e Prof. Dr. Flamur Dolit, njëherit edhe Autor i përgatitjes së Ekspozitës, ku po ashtu është bërë edhe përurimi i dy monografive të Autorit si: “Arkitektura popullore e Kosovës” dhe “Ruajtja praktike e trashëgimisë arkitekturore në Kosovë”.

26 nëntor 2023 Lexo më shumë

Në mbledhjen e 174-të të Qeverisë, miratuam vendimin e Projektligjit për Shpronësimin e Pronës së Paluajtshme 🏠⚖️✅

Në vazhdën e avancimit të infrastrukturës ligjore në përputhshmëri me legjislacionin vendor dhe atë ndërkombëtar në fushën e të drejtave pronësore, në veçati në përcaktimin e rregullave dhe procedurave të shpronësimit, sot miratuam vendimin për shqyrtimin e Projektligjit për Fushën e Shpronësimit të Pronës së Paluajtshme.

Iniciativa për hartimin e një ligji të ri për fushën e shpronësimit ka rrjedhur nga Departamenti i Shpronësimit në Ministrinë e Mjedisit, Planifikimit Hapësinor dhe Infrastrukturës, Ministria e Financave, Punës dhe Transfereve, si dhe Institucioni i Avokatit të Popullit, të cilët kanë dhënë rekomandimet e tyre për rregullim më të avancuar, ndërlidhur me procedurat që kanë të bëjnë me shpronësimin, vlerësimin dhe kompensimin e pronave.

Projektligji për Fushën e Shpronësimit të Pronës së Paluajtshme përmban 14 kapituj dhe ka gjithsej 52 nene, dhe ka për qëllim adresimin e të gjitha çështjeve që kanë të bëjnë me krijimin e një sistemi të qëndrueshëm për procedurat e shpronësimit të pronës së paluajtshme në Republikën e Kosovës.

Projektligji ka për qëllim përcaktimin e rregullave dhe kushteve sipas të cilave Qeveria ose një Komunë bënë shpronësimin e të drejtave pronësore në pronën e paluajtshme për realizimin e interesit publik, rregullat dhe kushtet sipas të cilave Qeveria bënë kufizimin dhe shfrytëzimin e përkohshëm të pronës së paluajtshme si dhe rregullat dhe procedurat të cilat do të përdoren për përcaktimin e vlerësimit dhe kompensimit të shpronësimit ose kufizimit të pronësisë.

Projektligji nuk përmban elemente diskriminuese si dhe për zbatimin e tij nuk nevojiten mjete të konsiderueshme buxhetore. Hartimi i këtij projektligji me propozimet për zbatim më të lehtë të tij, rezulton në plotësimin e prioriteteve të Qeverisë së Republikës së Kosovës, për rritjen e sigurisë të së drejtave pronësore në Kosovë të parapara edhe me Strategjinë Kombëtare për të Drejtat Pronësore.

24 nëntor 2023 Lexo më shumë

Mjedisi dhe Planifikimi hapësinor

INFRASTRUKTURA

Lajmet

Kërkojmë nga të gjithë pjesëmarrësit në komunikacion që të lëvizin me kujdes të shtuar

Lexo dhe:

Në Bruksel, në Asamblenë e përgjithshme të Këshillit të Arkitektëve të Evropës (ACE-së), po merr pjesë për herë të parë Asociacioni i Arkitektëve të Kosovës

Në mbledhjen e 174-të të Qeverisë, miratuam vendimin e Projektligjit për Shpronësimin e Pronës së Paluajtshme 🏠⚖️✅