Lajmet

Ministri  Aliu kishte nje takim të shkëlqyer me Ministrin e Transportit dhe Komunikimit të Republikës së Bullgarisë, z. Georgi Gvozdeikov, falënderoj për mikëpritjen dhe i shprehu mirënjohjen  për përkrahjen e vazhdueshme që Bullgaria i ka dhënë shtetit të Kosovës. ✅ 

U bisedua për marrëdhëniet e shkëlqyeshme dypalëshe dhe për fushat me potencial të thellimit tyre, me theks të veçantë për çështjet si:

• Lidhja hekurudhore Prishtinë - Durrës dhe përfitimet e ndërsjella në ndërtimin e linjës hekurudhore, Portit të Durrësit, Portit të Thatë në Prishtinë dhe ndërlidhjes me Portin e Varnës,   nyje e rëndësishme e lidhjes së Detit Adriatik me Detin e Zi, përmes Prishtinës si vend tranzit.

   

• Përkrahja e Bullgarisë në mekanizmat e Bashkimit Evropian, në mënyrë që linja hekurudhore t'i përket korridoreve ndërkombëtare si dhe rritja e shkëmnimit tregtar dhe transportit të mallrave në mes dy vendeve tona, rrjedhimisht liberalizimi i tërësishëm i  tregut.

   

  Ministri z. Gvozdeikov, shprehu se harta e ballkanit duhet të zgjerohet dhe njëherit të bëhet pjesë e korridoreve ndërkombëtare dhe dha mbështetjen e tij të plotë për të dy çështjet e ngritura. 

 Autoriteti i Rajonit të Pellgjeve Lumore në përkrahje të SDC (Agjencisë për Zhvillim dhe Bashkëpunim në Qeverinë Zvicerane), ka themeluar Mekanizmin Gjithëpërfshirës të Palëve të Interesit për Resurset e Integruara Ujore.

Në kuadër të zhvillimit të Planeve për menaxhimin e pellgjeve lumore, për Ibër, Lepenc dhe Moravë e Binçës, janë mbajtur shumë punëtori dhe takime me palët e interesit, mirëpo sot është mbajtur punëtoria më e rëndësishme sepse në përbërje nga 18 anëtarë të përfaqësuara nga të gjithë akterët e sektorit të ujërave, është themeluar Mekanizmi Gjithëpërfshirës i Palëve të Interesit në sektorin e ujërave.

MMPHI/ARPL në mbëshetje të programit MIRU/IWRM-K ka për qëllim që në secilën fazë të hartimit të planeve për menaxhimin e pellgjeve lumore, për Ibër, Lepenc dhe Moravë e Binçës të aplikoj dhe të promovoj qasje gjithëpërfshirëse duke involvuar përfaqësuesit e institucioneve të ndryshme, ekspertët e sektorit, akterë të fushave që direkt apo indirekt janë të kyqur në sektorin e ujërave, në mënyrë që të diskutohen hapur problemet, gjendjen me resurset ujore, idetë dhe opcionet për ndërmarrjen e masave në fuknsion të zgjidhjeve më të mira.

Duke u nisur nga fakti që Kosova është e kufizuar me resurse ujore, të vetëdijshëm se ballafaqimi i palëve të interesit në këtë sektor nuk është proces i lehte, pjesëmarrja aktive e palëve të interesit në dhënjen e inputeve më të mira sado pak ndikon në balancimin dhe racionalizimin e interesave të cilat i kemi objektiv kryesor për rritjen e kualitetit në menaxhimin e pellgjeve lumore dhe resurseve ujore në përgjithësi.