Bashkë me ministrin Elbert Krasniqi, vizituam disa familje në lagjen 028 ne Fushë Kosovë, ku për herë të parë po sigurohet ujë i pijshëm për banorët. Projekti për rregullimin e rrjetit të ujësjellësit për lagjet 028–029 dhe fshatrat Sllatinë dhe Bardh i Madh, me vlerë 3 milionë euro, do të përmirësojë jetën e rreth 10 mijë banorëve!
Bashkë me ministrin Xhelal Sveçla dhe zëvendësministrin Hysen Durmishi, përuruam sot rrugën Bare-Selac, një projekt me rëndësi strategjike për veriun e vendit. Kjo rrugë, me gjatësi 8.4 km, jo vetëm që do të lehtësojë lëvizjen e qytetarëve, por do të ndikojë dukshëm edhe në zhvillimin e bujqësisë dhe blegtorisë në këto fshatra.
Ndërtimi i rrugës i jep fund vështirësive të mëparshme të banorëve të kësaj zone, duke krijuar një lidhje më të shpejtë dhe të sigurt me Mitrovicën. Për më tepër, duke qenë një zonë kufitare, rruga do të lehtësojë edhe punën e organeve të rendit.
Urime të gjithë banorëve!
