MMPHI

Filluan punimet për Unazën e Madhe në Shtime

Sot, bashkë me kryetarin Qemajl Aliu, vizituam punimet e projektit të ndërtimit të Unazës së Madhe në Shtime, e cila do të shtrihet nga rrethrrotullimi i pishave në drejtim të Belincit, Reçakut dhe Petrovës, me një investim prej 1.5 milionë euro.

Ky projekt do të ketë një gjatësi prej 3.4 km dhe gjerësi 7 metra, duke sjellë një zgjidhje të shumëpritur për banorët e tërë Komunës së Shtimes.

Me ndërtimin e kësaj rruge, makineritë e tonazhit të rëndë nuk do të kalojnë më nëpër rrugët e ngushta të Petrovës dhe Reçakut, duke rritur sigurinë dhe lehtësinë për të gjithë banorët.

30 janar 2025 Lexo më shumë

Ministri Aliu me z. Hartmut Höppner, Sekretarin e Shtetit në Ministrinë për Digjitalizim dhe Transport të Gjermanisë, nënshkruan marrëveshjen bilaterale për rregullimin reciprok të transportit ndërkombëtar rrugor të udhëtarëve dhe mallrave ndërmjet vendit tonë dhe Gjermanisë

Bashkë me z. Hartmut Höppner, Sekretarin e Shtetit në Ministrinë për Digjitalizim dhe Transport të Gjermanisë, dhe z. Michael Reiffenstuel, Drejtor për Evropën Juglindore, Turqinë, OSBE-në dhe Këshillin e Evropës në Ministrinë e Jashtme Gjermane, nënshkruam marrëveshjen bilaterale për rregullimin reciprok të transportit ndërkombëtar rrugor të udhëtarëve dhe mallrave ndërmjet vendit tonë dhe Gjermanisë. Në këtë ngjarje ishte i pranishëm edhe ambasadori i Kosovës në Gjermani, z. Faruk Ajeti.

Përmes kësaj marrëveshjeje do të rregullohet transporti ndërkombëtar i udhëtarëve, duke përcaktuar kushtet themelore për themelimin dhe zhvillimin e mëtejshëm të transportit të udhëtarëve, si në linjat e rregullta ashtu edhe në transportin e grupeve të organizuara turistike.

Pa dyshim, kjo marrëveshje është me rëndësi të veçantë, pasi kontribuon në forcimin e subjektivitetit ndërkombëtar të vendit tonë në sektorin e transportit. Duke pasur parasysh se Republika e Kosovës nuk është anëtare e shumë organizatave ndërkombëtare në këtë sektor, marrëveshja do t’u mundësojë operatorëve tanë qasje më të lehtë në tregun evropian, duke krijuar një korridor rrugor për të lehtësuar lëvizjen drejt vendeve të tjera të BE-së përmes tranzitimit nëpër territorin e Gjermanisë.

Gjatë takimit, ndër të tjera, diskutuam edhe mbi mundësitë e bashkëpunimit dhe mbështetjen nga Ministria për Digjitalizim dhe Transport e Gjermanisë në fushën e transportit, me theks të veçantë në procesin e digjitalizimit të lejeve dhe në zhvillimin e sistemit inteligjent të transportit.

10 shkurt 2025 Lexo më shumë

Mjedisi dhe Planifikimi hapësinor

INFRASTRUKTURA

Lajmet

Bashkë me ministrin Elbert Krasniqi, vizituam disa familje në lagjen 028 ne Fushë Kosovë

Lexo dhe:

Filluan punimet për Unazën e Madhe në Shtime

Ministri Aliu me z. Hartmut Höppner, Sekretarin e Shtetit në Ministrinë për Digjitalizim dhe Transport të Gjermanisë, nënshkruan marrëveshjen bilaterale për rregullimin reciprok të transportit ndërkombëtar rrugor të udhëtarëve dhe mallrave ndërmjet vendit tonë dhe Gjermanisë