Lajmet

Në Ditën e Tokës po lancojmë një Raportimin e Gjelbër, iniciativë që ju mundëson të adresoni shqetësimet tuaja mjedisore:

Nëse hasni ndotje të mjedisit, hedhje të mbeturinave, ndotje të ujërave apo shkelje të tjera mjedisore sipas ligjit për kundërvajtje dhe Kodit Penal (Kapitulli XVII, Neni 27), mund të raportoni në:

0 800 00013 ose përmes emailit në: raportimi.gjelber@rks-gov.net

Raportimet, pasi të shqyrtohen nga Departamenti i Mjedisit, do t’u përcillen inspektorateve komunale ose lokale për veprim të mëtejshëm, sipas kompetencës. Identiteti i raportuesit do të mbetet i mbrojtur, inspektorateve do t’u dorëzohen vetëm faktet e raportimit.

Kontributi juaj është thelbësor për mbrojtjen e mjedisit dhe për një të ardhme më të pastër për Kosovën!

Bashkë me Kryeministrin Albin Kurti dhe zëvendësministrat Hysen Durmishi dhe Jeton Raka, ishim sot në Rogovë për përurimin e urës së re, ndërtimi i së cilës filloi në prill të vitit të kaluar.

Ky projekt ka qenë një nevojë thelbësore dhe kërkesë nga banorët e zonës prej vitesh, një pritje e gjatë që mori fund me këtë investim të rëndësishëm për Hasin dhe rrethinën.

Kjo urë që kalon mbi lumin Drin, lidh Hasin me magjistralen Prizren - Gjakovë.

Me një gjatësi prej 134 metrash, gjerësi prej 10 metrash dhe vlerë prej afro 1 milion eurosh, sjell siguri dhe lehtësi për të gjithë rrethinën.

Urime!