Lajmet

10 nëntor 2023

U miratuan vendimet e shpronësimeve të pronave për realizimin e Deponive Sanitare për Menaxhimin e Mbeturinave të Ngurta

Në mbledhjen e 172-të të Qeverisë, u miratuan vendimet e shpronësimeve të pronave për realizimin e Deponive Sanitare për Menaxhimin e Mbeturinave të Ngurta, për këto regjione:
♻️ Regjionin e Prishtinës;
🏞 Regjionin e Prizrenit;
🟢 Regjionin e Gjilanit; si dhe
✅ Regjionin e Podujevës.

Lexo dhe:

Shënohet 20 vjetori i themelimit të Institutit për Planifikim Hapësinor

Me rastin e shënimit të 8 Nëntorit “Ditës Botërore të Planifikimit të Qyteteve” dhe njëzet vjetorit të themelimit të Institutit për Planifikim Hapësinor u organizua tubim me kolegë, bashkëpunëtorë dhe përfaqësues të institucioneve që kontribuuan në themelimin dhe ndërtimin e Institutit për Planifikim Hapësinor.

Ky aktivitet tashmë i shndërruar në ngjarje tradicionale për sektorin e planifikimit hapësinor, për disa vite me radhë është shfrytëzuar për të trajtuar tema nga më të ndryshmet që lidhen me fushën e planifikimit hapësinor. Këtë vit, tema kryesore ishte Instituti për Planifikim Hapësinor, i cili shënon njëzet vjetorin e themelimit të tij. Në kuadër të manifestimit ishin të ftuar bashkëpunëtorë, ish kolegë dhe përfaqësues të institucioneve që në mënyra të ndryshme kanë ndikuar në zhvillimin e Institut.

Pjesa qendrore e manifestimit ishte video e përgatitur nga vet Instituti, e cila në përbërjen e vet kishte foto dhe video materiale nga ngjarje dhe momente të ndryshme që e kanë karakterizuar punën e deritashme të Institutit. 

Manifestimi u mbyll me fjalë rasti nga protagonistët, të cilët në forma të ndryshme ishin pjesë e procesit të zhvillimit të Institutit.

Për të gjithë pjesëmarrësit, në fund të manifestimit u organizua koktej rasti pjesë e të cilit ishte edhe Ministri Aliu, që e bëri urimin formal të 20 vjetorit të themelimit të Institutit, duke shprehur edhe gatishmërinë për fuqizimin dhe avancimin e mëtutjeshëm të tij.

Lexo më shumë

Me inicim të Ministrisë së Mjedisit, Planifikimit Hapësinor dhe Infrastrukturës, u miratua vendimin për shpronësimin e “Damperit” në Suharekë

Në mbledhjen e sotshme të Qeverisë, me inicim të Ministrisë së Mjedisit, Planifikimit Hapësinor dhe Infrastrukturës, u miratua vendimin për shpronësimin e “Damperit” në Suharekë.
Me paratë e shpronësimit do të kompensohen ish-punëtorët e ish-fabrikës ‘’Ballkani", që për shumë vite kanë pritur realizimin e së drejtës së tyre.
Për më shumë, ish-hapësira e “Damperit”, tashmë i kalon FSK-së.
Lexo më shumë