Mjedisi dhe Planifikimi hapësinor

INFRASTRUKTURA

Shqip

English

Srpski

Lajmet

03 mars 2023

Zëvendësministrja Linda Çavdarbasha takoi të dërguarin presidencial të SHBA-së për Klimën, z. John Kerry

Në hapjen e ditës së parë të konferencës, pata nderin e veçantë që të takoj z. John Kerry, të dërguarin e posaçëm presidencial të ShBA-ve për klimën, të cilit i shpreha mirënjohjen time dhe të shtetit e popullit tonë për ndihmën, përkrahjen dhe kontributin e pakursyer të Shteteve të Bashkuara të Amerikës për shtetndërtimin e Republikës sonë.

Po ashtu, e informova që tashmë Kosova është bërë pjesë e Betimit Global të Metanit (Global Methange Pledge) duke u  bërë njëra ndër 110 vendet pjesëmarrëse, për tu përballuar me sfidat për reduktimin e metanit përmes bashkëpunimit të brendshëm dhe ndërkombëtar, në dritën e zhvillimeve të fundit drejt një të ardhmeje më të gjelbër si dhe për Greening Government Initiative nga e cila do kemi ndihmë teknike dhe financiare drejt tranziconit të gjelbërt.

ShBA-të mbeten partneri e aleati ynë më i rëndësishëm drejt rritjes tonë ekonomike, çështjeve mjedisore dhe ndryshimeve klimatike, dekarbonizimit të sektorit të energjisë si dhe avancimit të mëtutjeshëm të së mirës së përgjithshme dhe vlerave demokratike.

Lexo dhe:

MMPHI ka mbajtur degjim publik për shpronësim në Obiliq

 

Ministria e Mjedisit dhe Planifikimit Hapësinor dhe Infrastrukturës me datë 22 shkurt 2023  nga ora 10:30 deri 12:30 në sallën e Kuvendit Komunal të Obiliqit ka mbajtë Dëgjimin Publik për shpronësim për interes publik të  pronave të paluajtshme të   pronarëve  dhe zotëruesve të interesit të  cilat preken nga realizimi i Projektit ‘’Ndërtimi i Parkut Fotovoltaik’’  për nevoja të Korporatës Energjetike të Kosovës(KEK-sh.a),  Zona Kadastrale Kryshevc, Komuna Obiliq.

 

Dëgjimi Publik është  mbajtur konform Vendimit Nr.07/121 për shqyrtimin e mëtejmë të kërkesës për shpronësim për interes publik të  pronave të paluajtshme të   pronarëve  dhe zotëruesve të interesit të  cilat preken nga realizimi i Projektit ‘’Ndërtimi i Parkut Fotovoltaik’’  për nevoja të Korporatës Energjetike të Kosovës(KEK-sh.a),  Zona Kadastrale Kryshevc, Komuna Obiliq dhe  Zona Kadastrale  Fushë Kosovë,  Komuna Fushë Kosovë.

 

Dëgjimi Publik zgjoi interesim të madh  të qytetraëve të Komunës së Obiliqit, në të cilin Departamenti i Shpronësimit i njoftoj qyetarët me qëllimin e Projektit ‘’Ndërtimi i Parkut Fotovoltaik’’  dhe procedurat e shpronësimit, vlerësimit dhe kompensimit të pronave.

 

Pjesëmarrja e qytetarëve dhe pronarëve ishte e madhe  dhe gjatë  këtij Dëgjimi  Publik nga qytetarët dhe përfaqësuesit e Komunës së Obiliqit  u pranuan komentet  në lidhje me projektin që do të realizohet nga Korporata Energjetike të Kosovës(KEK-sh.a në këtë Komunë.

 

Dëgjimi Publik u mbyll me sukses ndërsa me datë 23 shkurt 2023, Dëgjimi Publik i radhës që ndërlidhet me Projektin ‘’Ndërtimi i Parkut Fotovoltaik’’   do të mbahet në Komunën e Fushë Kosovës, për ZK Fushë Kosovë, duke filluar nga ora 10:30.

Lista e pjesëmarrësve ne Obiliq

23 shkurt 2023 Lexo më shumë

Dita Ndërkombëtare e Grave është ngjarja që feston angazhimin e grave në mbarë botën për më shumë të drejta e për më shumë barazi

Vendi ynë ashtu siç njeh shumë gra punëtore, aktiviste, luftëtare, që iu përgjigjën thirrjes së përgjithshme për çlirimin e vendit, për liri dhe barazi me popujt e tjerë, ashtu njeh edhe gra që kanë vazhduar luftën kundër shtypjes patriarkale në shoqërinë tonë, kundër shtypjes institucionale e kundër shtypjes në përgjithësi kudo që ajo është shfaqur.

Sot pra me krenari kujtojmë kontributin e grave e veçanërisht të atyre që nuk janë më në mesin tonë. Është angazhimi i tyre dhe sukseset që ato kanë arritur që sot e bëjnë shoqërinë tonë më të lirë, më të barabartë e më të drejtë.

Qeverisja jonë parasëgjithash është progresiste për shkak se sa e kujton kontributin historik të grave në formimin e shtetit tonë po aq edhe punon në krijimin e kushteve dhe mundësive për përparimin e mundësive për to, e për më shumë barazi e drejtësi në Republikën tonë.

Promovimi i grave në ambientet e transportit është një qëllim i rëndësishëm për rritjen e barazisë gjinore dhe diversitetit në këtë industri. Inkurajimi i grave që të ndjekin karrierën e tyre në transport është më shumë se i nevojshëm, për shkak të rëndësisë së industrisë së transportit dhe rritjes së kapaciteteve profesionale.

Në përgjithësi, promovimi i grave në ambientet e transportit kërkon një përpjekje të bashkuar nga Ministria, punëdhënësit, shoqatat e organizatat e ndryshme jo-qeveritare. Duke punuar së bashku, ne mund të krijojmë një industri më të diversifikuar dhe të përfshirë që tërheq dhe aftëson profesionistë të rinjë femra.

Urime 8 Marsi të gjitha grave! Jemi përherë falënderues e mirënjohës për kontributin e grave dhe ndikimin e tyre në progresin tonë shoqëror.
08 mars 2023 Lexo më shumë
Copyright ©

Ministria e Mjedisit, Planifikimit Hapësinor dhe Infrastrukturës