Lajmet

Bashkohuni me ne për këtë ngjarje të veçantë të COP28, ku në qendër të vëmendjes është vendosmëria e Kosovës për dekarbonizim dhe pjesëmarrje aktive në dialogun global për klimën. Bashkë me Presidenten Vjosa Osmani-Sadriu, po prezantojmë qëndrimin e guximshëm të Kosovës në aksionin mjedisor.

Kjo ngjarje jo vetëm që dëshmon vendosmërinë e Kosovës për tu bërë pjesë e mekanizmave ndërkombëtar të klimës, por njëherit thekson faktin se pavarësisht përjashtimit nga mekanizmat mbështetës për ndryshime klimatike ne po punojmë që të sigurohemi që ekonomia e shoqëria jonë është stabile dhe rezistente ndaj ndryshimeve klimatike.

Bëhuni pjesë e këtij udhëtimi frymëzues dhe shikoni se si Kosova po vendos standarde të reja në peizazhin ndërkombëtar.

Përfundimi i "World Climate Action Summit", ku edhe Kosova i është bashkangjitur komunitetit ndërkombëtar në dedikimin për trefishimin e energjisë së rinovueshme dhe dyfishimin e efiçiencës së energjisë deri më 2030.

Së bashku me Presidenten Osmani, e me mikun tonë ish-sekretarin z. John Kerry, dëgjuam fjalimin përmbyllës e inspirues për veprimet ndaj ndryshimeve klimatike, nga Zv. Presidentja e Sh.B.A-ve, znj. Kamala Harris.