Lajmet

18 janar 2023

Ministri Aliu po merr pjesë në Konferencën e Qëndrueshmërisë në Abu Dhabi, bashkë me delegacionin nga Kosova

Me ftesë të Ministres së Ministrisë për Ndryshime Klimatike dhe Mjedis së Emirateve të Bashkuara Arabe, znj. Mariam bint Mohammed Al Mheiri, po marrim pjesë në Konferencën e Qëndrueshmërisë në Abu Dhabi, bashkë me delegacionin nga Kosova. 

Emiratet e Bashkuara Arabe këtë vit do të kenë presidencën e COP28 të Konventës Kornizë për Ndryshime Klimatike të OKB-së (UNFCCC) nën drejtimin e Dr. Sultan Al Jaber, Ministër i Industrisë dhe Teknologjisë së Avancuar. 

Në kuadër të kësaj vizite, u pritëm nga disa kompani të njohura si MASDAR dhe qyteti i tyre i gjelbër që është shembull i një qyteti të vet-qëndrueshëm, njashtu nga ADNOC, të cilët janë shembull i investimeve në teknologjitë inovative të dekarbonizimit. 

Qasja në financim për përshtatje ndaj ndryshimeve klimatike është prioritet për një shtet në zhvillim e sipër si Kosova, prandaj është e domosdoshme që  në COP28, të shpalosim kontributin tonë për ulje të karbonit duke kërkuar qasje në fonde për ndryshime klimatike.

 

Lexo dhe:

Nënshkruhet memorandumi i mirëkuptimit për realizimin e projektit për Ndërtimin e Teleferikut në Kalanë e Prizrenit

Sapo nënshkruam memorandumin e mirëkuptimit në mes të Ministrisë së Mjedisit, Planifikimit Hapësinor dhe Infrastrukturës, Komunës së Prizrenit dhe SwissContact për realizimin e projektit për Ndërtimin e Teleferikut në Kalanë e Prizrenit. 

U pajtuam që të bashkëpunojmë në zhvillimin e projektit “Ndërtimi i teleferikut në Kalanë e Prizrenit” me qëllim të zhvillimit të sektorit të turizmit në Prizren, kështu duke u zotuar se do të angazhohemi që të kontribuojmë sipas kompetencave që i kemi për realizimin e këtij projekti shumë të rëndësishëm për qytetin e Prizrenit.

U pajtuam që gjatë implementimit të këtij memorandumi, të shkëmbejmë informacione dhe të takohemi rregullisht të paktën një (1) here në muaj për të vlerësuar dinamikat e zbatimit të memorandumit.

Lexo më shumë

Njoftim mbi gjendjen e krijuar në rrugët e Kosovës pas reshjeve të shiut

Pas reshjeve të pa ndërprera të shiut dhe vërshimeve eventuale, zyrtarë nga Ministria e Mjedisit, Planifikimit Hapësinor dhe Infrastrukturës kanë dalur në terren për të parë nga afër gjendjen e krijuar, me ç’rast janë duke u marrë masa për pastrimin e të gjitha rrugëve.

Kompanitë e MVD-së të kontraktuara nga MMPHI-ja, janë në terren për pastrimin e akseve, normalizimin e qarkullimit rrugor dhe garantimin e sigurisë për drejtuesit e automjeteve që nga orët e hershme të mëngjesit.
 
U bëjmë thirrje të gjithë qytetarëve në zonat e rrezikuara që të bëjnë kujdes me lëvizjet e tyre në orët në vijim, të shmangin kalimet në rrugët me prezencë uji, të respektojnë rregullat e qarkullimit rrugor dhe të njoftojnë strukturat vendore për ndihmë të nevojshme. 
 
Ministria është duke bërë Hartat e Rrezikshmërisë nga Përmbytjet dhe hartimin e Planeve për Menaxhimin e Rrezikut nga Përmbytjet dhe Thatësirat, në mënyrë që në situata të tilla të jemi shumë më të përgatitur, dhe të përmirësojmë kapacitetet parandaluese dhe reaguese për situata të ngjajshme.
Lexo më shumë