Lajm shumë i mirë, nënshkrimi i kontratës për fillimin e punimeve për rikonstruimin e rrugës nga 𝐧𝐲𝐣𝐚 𝐭𝐞𝐤 𝐆𝐨𝐫𝐞𝐧𝐣𝐞, 𝐝𝐞𝐫𝐢 𝐧𝐞̈ 𝐡𝐲𝐫𝐣𝐞 𝐭𝐞̈ 𝐆𝐫𝐚𝐪𝐚𝐧𝐢𝐜𝐞̈𝐬.
Do të bëhet komplet rikonstruimi i rrugës me gjatësi prej 3660 metra, me gjerësi të rrugës 7 metra dhe me trotuare në të dy anët e rrugës.
Kostoja e këtij projekti është 1,737,871,42€. Afati për përfundimin e punimeve është 135 ditë.
Kjo rrugë e cila është mjaft e dëmtuar do të rregullohet sipas standardeve më të larta dhe do të jetë lehtësim i madh për qytetarët e shumtë që e frekuentojnë këtë aks rrugor.
Pas ndërtimit të ‘bajpasit’, sot kemi bërë rrënimin e urës ekzistuese në fshatin Meqe.
Tashmë i kemi hapur rrugë ndërtimit të urës së re. Ura do të jetë me katër shirita qarkullues dhe me gjatësi prej 120 metra. Vlera totale e investimit është 2 milionë euro.
Gjatë Qeverisjes tonë, për herë të parë në historinë e Republikës së Kosovës, kemi arritur që të jemi direkt të përfshirë në dialogun për klimën, pas arritjeve në tranzicion për energji të pastër dhe aprovimit të Ligjit për Ndryshime Klimatike.
Me ftesë të Ministres së Punëve të Jashtme znj. Annalena Baerbock nga Republika Federale e Gjermanisë, Kosova tani po e shënon vitin e tretë radhazi që po merr pjesë në këtë dialog të rëndësishëm, për të ritheksuar qëndrimin tonë.
Përderisa ndikimi i ndryshimeve klimatike përmes vërshimeve e thatësirave po vazhdojnë të ndikojnë negativisht në jetën e qytetarëve, ne po e ritheksojmë vazhdimisht që Kosovës i duhet trajtim i barabartë e asesi diskriminues, në çdo aspekt, e në veçanti në qasje tek fondet multilaterale për klimën.
