Lajmet

Paçi një ditë sa më të bukur sot, me një SUPERLAJM për të gjithë pasionantët e natyrës, ku shtetit të Kosovës, u janë shtuar plot nëntë (9) specie të reja në databazë.

Kosova është pasuruar me informacione të reja mbi Ornito-Faunën tonë, ku Republikës tonë, u janë shtuar edhe nëntë (9) specie tjera të reja në databazë, që nuk janë dokumentuar deri më sot.

Vlen të theksohet, se deri më tani janë dokumentuar me fotografi e me video, afër 200 lloje të shpendëve shtegëtarë dhe jo-shtegëtarë, në zonat e mbrojtura, në parqet natyrore e kombëtare tonat. Këto gjetje janë të argumentuara e faktuara për Ministrinë, nga dokumentuesi i jetës së egër, Arian Mavriqi.

Në mbledhjen e sotshme të Qeverisë, miratuam vendimin preliminar për shpronësimin e pronës së paluajtshme për realizimin e Projektit për konservimin dhe restaurimin e shtëpisë së Kompleksit Memorial “Masakra e Reçakut”.

Si Qeveri jemi të përkushtuar që kompleksi të marrë formën më meritore të konzervimit dhe menaxhimit, për t’u përmirësuar kështu në mënyrë të kujdesshme, duke garantuar mbrojtjen e plotë e të mirëfilltë të kompleksit dhe shtëpive.

Kompleksi Memorial “Masakra e Reçakut”, përfshin varrezat e martirëve, murin përkujtimor, shtatoren e William Walkerit, zyret administrative, dhe në kuadër të zonës së veçantë janë edhe dy shtëpitë ku kanë ndodhur masakrat dhe janë lënë gjurmë të kujtesës së luftës, si një nga ngjarjet më të dhimbshme për popullin tonë.