Lajmet

Lajm i jashtëzakonshëm!

Filluan punimet për ndërtimin e rrugëve që ndërlidhin e bashkojnë fshatrat e Kosovës dhe Shqipërisë.

Sot, shënuam fillimin e punimeve për rehabilitimin dhe zgjerimin e Rrugëve Ndërkufitare, që ndërlidhin fshatrat Kërstec-Pakishtë-Zapod, konform marrëveshjës së bashkëpunimit Kosovë-Shqipëri.

Kjo rrugë me gjatësi prej 6.3 km dhe me një investim prej më shumë se 2.3 milionë euro, do të sjell zhvillim ekonomik, e njëherit do të hapë perspektivën e turizmit malor, që do të shërbejë si portë hyrëse për të gjithë shqiptarët kudo që janë, për të eksploruar bukuritë natyrore të kësaj zone.

Kosova është pranuar anëtare me të drejta të plota në Rrjetit Evropian të Agjencive për Ruajtjen e Natyrës, e njohur si ENCA, i cili do të na ndihmojë në shkëmbimin e përvojave nga vendet e Evropës lidhur me hartimin dhe zbatimin e politikave për mbrojtjen e natyrës.

ENCA një rrjet informal, i cili nxit shkëmbimin e informacionit dhe bashkëpunimin ndërmjet partnerëve të tij. Anëtarësimi është konfirmuar në takimin plenar të anëtarëve të ENCA-s, pas shqyrtimit të kërkesës së Agjencionit per Mbrojtjen e Mjedisit te Kosoves, përkatësisht Institutit për Mbrojtjen e Natyrës, për të qenë pjesë ë këtij rrjeti të rëndësishëm evropian që ka për qëllim mbrojtjen e natyrës.

Rrjeti ENCA identifikon sfidat e ardhshme dhe ofron informacione dhe këshilla për vendimmarrësit në fushat e ruajtjes së natyrës dhe mbrojtjes së peizazhit. ENCA bashkon ekspertizën në mbledhjen dhe analizën e provave shkencore, njohuritë e zbatimit praktik dhe përvojën në administrim dhe këshilla për politikat në lidhje me biodiversitetin, mbrojtjen e peizazhit dhe shërbimet e ekosistemit.

Për më shumë:

https://www.encanetwork.eu/default-4f5b7de45e/members