Lajmet

Nënshkruam dy aneks memorandume të mirëkuptimit me komunën e Klinës dhe Istogut, dhe një memorandum mirëkuptimi me komunën e Skenderajt. 

Klinë - Financimi i Projektit për rregullimin e shtratit të lumit Drini i Bardhë, në vlerë prej 60 mijë euro.

Istog - Financimi i Projektit për ndërtimin e Parkut të Qytetit në lokacionin e ish Ndërrmarrjes Publike, në vlerë prej 85 mijë euro.

Skenderaj - Financimi i Projektit për rregullimin e shtratit të Lumit Klina, në vlerë prej 125 mijë euro.

Njashtu, diskutuam për nevojën e bashkëpunimit në projekte tjera që janë në interes të qytetarëve , e që ndërlidhen me Ministrinë e Mjedisit, Planifikimit Hapësinor dhe Infrastrukturës.

Nder i veçantë që të takohem sërish me z. Martin Vickers, deputetin dhe të dërguarin e posaçëm të Britanisë së Madhe për Ballkanin Perëndimor. 

Me z. Vickers, bashkëbiseduam për një gamë të gjerë temash të cilat aktualisht janë në tryezën e punës si trajtimi dhe menaxhimi i mbeturinave , rritja e kapaciteteve ujore, si dhe projekti i linjës hekurudhore Durrës-Prishtinë. 

Në këtë takim riafirmuam partneritetin e ngushtë që e kemi me Britaninë e Madhe , dhe shpreha mirënjohjën time për përkrahjen dhe kontributin e tyre të pakursyer, njëherit në Dhjetor do ti presim në vizitë në Kosovë, z. Martin Vickers dhe përfaqësuesit e ‘UK Export Finance’ (UKEF).