Lajmet

Kjo rrugë, me gjatësi 4.2 kilometra dhe gjerësi prej 4 metrash është një mundësi e re për zhvillim ekonomik, agroturizëm dhe lidhje më të lehtë për banorët e kësaj ane.

Bashkë me kryetarin Qemajl Aliu, zëvendësministrin Jeton Raka dhe banorët e zonës patëm kënaqësinë ta përurojmë këtë rrugë që do të ndikojë drejtpërdrejt në përmirësimin kualitetit të jetës në këto fshatra.

Bashkë me Kryetarin e Mitrovicës së Veriut, Erden Atiq, dhe Nënkryetarin e Mitrovicës, Arian Tahiri, në prani edhe të Kryesuesit të Bordit të Mitrovicës, Elbert Krasniqi nënshkruam Memorandum për mbështetje në projekte infrastrukturore mes MMPHI-së dhe të dy komunave; për një qytet më të lidhur, më funksional dhe më të jetueshëm për të gjithë banorët.

Memorandumin e filluam me nënshkrimin e projektit të përbashkët të ndërtimit të dy urave të reja mbi lumin Ibër, projekte këto që do të lehtësojnë qarkullimin e qytetarëve të të dy komunave dhe do shërbejnë si infrastrukturë në komunikimin dhe bashkëpunimin ndërmjet qytetarëve, duke forcuar integrimin social dhe zhvillimin ekonomik në të dy anët.