Lajmet

Pas nënshkrimit të marrëveshjes së sotshme, bashkë me zëvendësministrin Durmishi, kolegë si dhe përfaqësues nga Fondi Saudit për Zhvillim, ishim në një vizitë në terren për të parë nga afër progresin e punimeve të Rrugës Prishtinë-Mitrovicë.

Jo vetëm që jemi duke përfunduar segmentin nga Lumi i Madh deri në Gojbulë, me gjatësi totale prej 9.78 km, ashtu siç edhe e kemi premtuar, por tani pas nënshkrimit të marrëveshjes së sotme, projekti i rrugës Nacionale N2 Prishtinë-Mitrovicë do të vazhdojë edhe me segmentin e ri nga Sremkovnica deri në Mitrovicë, që do t’i shtojë edhe 5 km të tjera.

Sot janë nënshkruar kontratat për realizimin e Rrugës Prizren-Tetovë, me gjatësi prej 20.350km, përkitazi ndërtimin e Rrugës Prizren-Kufiri me Maqedoninë e Veriut (Tetovë), për Lot 1 në vlerë prej 7,999,999.00 euro, si dhe Lot 3 në vlerë prej 8,346,804.38 euro.

Kjo rrugë i lidhë dy autostrada ndërkombëtare të cilat kalojnë në të dy anët e maleve të Sharrit, dhe lidhja e këtyre dy rrugëve në pikën më të afërt mes tyre, përveç se i afron dy qytetet dhe dy shtetet tona, ajo mundëson edhe hapjen e një korridori të ri rrugor me ndikim ekonomik për të dyja vendet.

OSHP ka kthyer në rivlerësim Lotin 2.