Lajmet

Qeveria e Kosovës në vazhdimësi ka pranuar ankesa dhe kërkesa nga publiku që të gjendet një zgjidhje në lidhje me problemin e çmimit të lartë të biletave dhe përmirësimin e shërbimeve ajrore nga Kosova në Evropë dhe vendet tjera ku e kemi diasporën, veçanërisht për në Zvicër si destinacioni me frekuencën më të lartë të fluturimeve.

Kosova tashmë ka realizuar zgjerimin e rrjetit të rrugëve ajrore ndërkombëtare me fluturime shtesë nga Kosova për në Zvicër përmes një operatorit ajror të BE-së, i emëruar për shërbime të transportit ajror sipas kritereve dhe kushteve në interes të publikut dhe qytetarëve të të dyja vendeve.

Ky është një lajm shumë i mirë për Kosovën, për diasporën tonë në Zvicër, për qytetarët e Zvicrës dhe të Kosovës, sepse janë krijuar mundësi më të mëdha të udhëtimit dhe me bileta më të lira në mes të të dyja shteteve, rrjedhimisht duke ofruar më shumë mundësi udhëtimi për qytetarët e Kosovës dhe diasporën.

Me rastin e përfundimit të mandatit të tij, sot u takova me Menaxherin e Programit të Menaxhimit të Mbetjeve dhe Ekonomisë Qarkore nga GIZ, z. Stefan Mager.

Me z. Mager, kemi pasur mundësinë që të bashkëpunojmë në projektet dhe synimet tona të përbashkëta për një mjedis më të shëndetshëm dhe avancimin e agjendës mjedisore të vendit.

E falënderova përzemërsisht për kontributin e tij të çmuar gjatë gjithë këtyre viteve.