Lajmet

Lajm i mirë për të gjithë qytetarët e 𝐏𝐨𝐝𝐮𝐣𝐞𝐯𝐞̈𝐬, përfundimi i studimit të fizibilitetit për 𝐍𝐝𝐞̈𝐫𝐭𝐢𝐦𝐢𝐧 𝐞 𝐃𝐢𝐠𝐞̈𝐬 𝐬𝐞̈ 𝐏𝐨𝐥𝐥𝐚𝐭𝐞̈𝐬 𝐝𝐡𝐞 𝐈𝐦𝐩𝐢𝐚𝐧𝐭𝐢𝐭 𝐭𝐞̈ 𝐓𝐫𝐚𝐣𝐭𝐢𝐦𝐢𝐭 𝐭𝐞̈ 𝐔𝐣𝐢𝐭.

Puna e përditshme që ka nisur qysh në fillim të Qeverisjes për ndërtimin e pesë digave të reja, e që tash dita ditës, po i finalizojmë një nga një, menjëherë pas përfundimit të studimit të fizibilitetit për ndërtimin e 𝐃𝐢𝐠𝐞̈𝐬 𝐬𝐞̈ 𝐃𝐫𝐚𝐠𝐚𝐜̧𝐢𝐧𝐞̈𝐬, tani kemi përfunduar edhe studimin e fizibilitetit të 𝐃𝐢𝐠𝐞̈𝐬 𝐬𝐞̈ 𝐏𝐨𝐥𝐥𝐚𝐭𝐞̈𝐬.

Kjo digë e rëndësishme, e po aq edhe e domosdoshme, ka vlerë të parashikuar investive prej rreth 𝟓𝟖 𝐦𝐢𝐥𝐢𝐨𝐧𝐞̈ 𝐞𝐮𝐫𝐨, e volum total të rezervuarit për nivelin normal te operimit prej 𝟐𝟒 𝐦𝐢𝐥𝐢𝐨𝐧𝐞̈ 𝐦𝟑, që njëherit është vitale për këtë zonë.

Urime të gjithë qytetarëve të Podujevës!

Në kuadër të pjesëmarrjes në Konferencën e Bankës Botërore për Tokën, në Washington, D.C., takova Drejtorin Ekzekutiv të Bankës Botërore z. Hayrettin Demircan dhe z. Hajdar Korbin, Këshilltarin e Drejtorit Ekzekutiv të Bankës Botërore.

Fillimisht, falënderova z. Demircan për përfaqësimin e Kosovës në Bordin e Bankës Botërore, me theks të veçantë për mbështetjen e finanacimit të projekteve të ndryshme nga ana e Bankës Botërore. Rrjedhimisht, i informova mbi ecuritë e projekteve ekzistuese të financuara nga Banka Botërore dhe shpalosa prioritetet kryesore të Ministrisë së Mjedisit, Planifikimit Hapësinor dhe Infrastrukturës.

Në këtë kontekst, theksova se një prej prioriteteve kryesore të MMPHI-së është rritja e kapaciteteve ujore të Kosovës, gjë që kërkon investime të konsiderueshme, si dhe rreth investimetr tjera që kanë ndikim në mjedis. Për më shumë, bashkëbiseduam për domosdoshmërinë e modernizimit të infrastrukturës për transport, duke përfshirë këtu edhe linjën hekurudhore Prishtinë-Durrës, që do të mundësonte qasje më të shpejtë e më të favorshme ekonomikisht në korridoret ndërkombëtare.

Njëherit, z. Demircan, i shpreha mirënjohjen time për kontributin e dhënë gjatë gjithë këtyre viteve nga Banka Botërore, dhe u dakorduam për të vijuar më tej me bashkëpunimin e ndërsjellë për projekte specifike, njëherit edhe për mundësitë e reja investuese të karakterit regjional.