Lajmet

Partneriteti dhe bashkëpunimi ndërmjet Qeverisë së Republikës së Kosovës në të dyja nivelet, atë nacional dhe lokal, si dhe ndërkombëtarë, është jetik që të kemi një zhvillim të qëndrueshëm. Përmes këtij partneriteti, Kosova tani ofron shërbim të qëndrueshëm të menaxhimit të mbeturinave me 93% mbulueshmëri, mbi 90% inkasim, si dhe territor më të pastër.

Faleminderit partnerëve strategjikë, veçanërisht Qeverisë Gjermane, zyrës së BE-së në Kosovë, si dhe GIZ Kosovo për kontributin e tyre në forcimin e menaxhimit të mbeturinave dhe avancimin e kapaciteteve institucionale.

Ne mbesim të përkushtuar për përmbushjen e standardeve evropiane, duke u angazhuar që ky sukses të vazhdojë drejt arritjes së objektivave strategjike për të ardhmen e Kosovës në familjen evropiane.

Në prezencën e përfaqësuesve diplomatikë në Kosovë, institucioneve financiare ndërkombëtare, si dhe institucioneve qendrore dhe lokale, sot zhvilluam takimin me donatorë, me ç’rast prezantuam Listën e Projekteve Prioritare për sektorin e mjedisit, e cila pritet të miratohet nga Komisioni për Planifikim Strategjik, nën udhëheqjen e Kryeministrit të Kosovës.

Duke falënderuar të gjitha institucionet financiare, të cilat përmes donacioneve të tyre dhe kredive kanë mbështetur zhvillimin e projekteve për mjedisin, kërkova nga partnerët tanë zhvillimorë t’a vazhdojnë edhe më tej mbështetjen e tyre, në mënyrë që të fillohet me vazhdimin e projekteve të cilat janë në zbatim e sipër si dhe realizimin e projekteve të reja.