Lajmet

Gjatë takimit theksova se qëndrojmë këmbëngulës drejtë synimit tonë për anëtarësim në (IRENA), pasi që ambiciet tona për dekarbonizimin i kemi të përbashkëta, dhe ato lidhen ngushtë me zhvillimin e industrisë për Energji të Ripërtëritshme. 

Për më shumë, potencova se Kosova është partner proaktiv dhe konstruktiv, dhe se kërkojmë bashkëpunim të bazuar në vlerat e BE-së, që do të mundësojnë përparimin dhe avancimin e mëtutjeshëm të Republikës së Kosovës. Z. La Camera, shprehu se është i gatshëm që ta ndihmojë Kosovën, për përgatitjet teknike të nevojshme, në mënyrë që të kemi tranzicionin e duhur drejt industrisë së Energjisë së Ripërtëritshme.

Sapo nënshkruam memorandumin e mirëkuptimit në mes të Ministrisë së Mjedisit, Planifikimit Hapësinor dhe Infrastrukturës, Komunës së Prizrenit dhe SwissContact për realizimin e projektit për Ndërtimin e Teleferikut në Kalanë e Prizrenit. 

U pajtuam që të bashkëpunojmë në zhvillimin e projektit “Ndërtimi i teleferikut në Kalanë e Prizrenit” me qëllim të zhvillimit të sektorit të turizmit në Prizren, kështu duke u zotuar se do të angazhohemi që të kontribuojmë sipas kompetencave që i kemi për realizimin e këtij projekti shumë të rëndësishëm për qytetin e Prizrenit.

U pajtuam që gjatë implementimit të këtij memorandumi, të shkëmbejmë informacione dhe të takohemi rregullisht të paktën një (1) here në muaj për të vlerësuar dinamikat e zbatimit të memorandumit.