Mjedisi dhe Planifikimi hapësinor

INFRASTRUKTURA

Shqip

English

Srpski

Lajmet

04 dhjetor 2025

MMPHI intensifikon punët e mirëmbajtjes, nga e hëna fillojmë mirëmbajtjen dhe sanimin e gropave në të gjitha rrugët që janë në kompetencë të Ministrisë sonë

Z. Hysen Durmishi, Ushtrues Detyre i Ministrit të MMPHI-së, sot së bashku me drejtorin e Departamentit për Menaxhimin e Rrugëve, z. Qamil Feka, u takuan me menaxherët e kontratave të mirëmbajtjes dhe me punë kryesit. Në takim morën pjesë edhe zyrtarë të Policisë së Republikës së Kosovës, nga Departamenti për Menaxhimin e Trafikut Rrugor, z. Jeton Rexhepi.
Bashkëpunimi ndërinstitucional është kyç për më shumë siguri në rrugë dhe qarkullim më të lehtë. Nga e hëna fillojmë mirëmbajtjen dhe sanimin e gropave në të gjitha rrugët që janë në kompetencë të Ministrisë sonë.
Përveç sanimit të gropave, njoftojmë edhe një herë qytetarët se jemi të përgatitur për sezonin e dimrit.
Ushtruesi i Detyrës së Ministrit të MMPHI-së, z. Durmishi, edhe një herë apeloi se kujdesi i shtuar në komunikacion mbetet gjithmonë i nevojshëm.

Lexo dhe:

U.D. Ministri Durmishi takon Ambasadorin francez Guérot për thellimin e bashkëpunimit

Ushtruesi i Detyrës së Ministrit të Mjedisit, Planifikimit Hapësinor dhe Infrastrukturës, z. Hysen Durmishi, zhvilloi një takim njoftues dhe koordinues me Ambasadorin e Republikës së Francës në Kosovë, Sh.T. Olivier Guérot.
Gjatë takimit, U.D. Ministri Durmishi e falënderoi ambasadorin Guérot dhe shtetin francez për mbështetjen e vazhdueshme ndaj Republikës së Kosovës, si në zhvillimin ekonomik, ashtu edhe në forcimin e partneritetit strategjik ndërmjet dy vendeve.
Palët u pajtuan të intensifikojnë bashkëpunimin në organizimin e konferencës që do të mbahet në muajin shkurt të vitit të ardhshëm, e cila synon të afrojë kompanitë franceze me bizneset kosovare dhe të krijojë mundësi të reja për investime franceze në Kosovë.
Konferenca pritet të shërbejë si një platformë e rëndësishme për thellimin e bashkëpunimit ekonomik dhe promovimin e potencialit të Kosovës si destinacion i sigurt dhe i favorshëm për investime.
12 dhjetor 2025 Lexo më shumë

Nuk është e vërtetë se segmenti i rrugës “Mon Balaj” në Kodrën e Trimave është në përgjegjësi të MMPHI-së për mirëmbajtje

Të dashur qytetarë,

Siç e kemi theksuar edhe më parë, Ministria e Mjedisit, Planifikimit Hapësinor dhe Infrastrukturës është e përgatitur dhe plotësisht e përgjegjshme për mirëmbajtjen e rrugëve që janë në kompetencë të saj gjatë sezonit dimëror.

Mbrëmë, me fillimin e reshjeve të borës, ekipet tona janë aktivizuar menjëherë dhe kanë hedhur kripë në të gjitha rrugët që janë nën përgjegjësinë e MMPHI-së, me qëllim të garantimit të qarkullimit të sigurt dhe të papenguar.

Sqarojmë se MMPHI nuk e ka në kompetencë mirëmbajtjen e segmentit të rrugës “Mon Balaj” në Kodrën e Trimave. Ky segment është nën përgjegjësinë e Komunës së Prishtinës, e cila edhe ka ndërhyrë në këtë pjesë të rrugës duke vendosur pengesa.

Kompetenca e MMPHI-së përfshin segmentin rrugor nga Bernica në drejtim të Komunës së Podujevës, segment nga i cili edhe ka filluar realizimi i projektit të rrugës Prishtinë–Podujevë.

Ju falënderojmë për mirëkuptimin dhe bashkëpunimin tuaj.

02 shkurt 2026 Lexo më shumë
Copyright ©

Ministria e Mjedisit, Planifikimit Hapësinor dhe Infrastrukturës