Lajmet

Bashkë me ministrin Xhelal Sveçla dhe zëvendësministrin Hysen Durmishi, përuruam sot rrugën Bare-Selac, një projekt me rëndësi strategjike për veriun e vendit. Kjo rrugë, me gjatësi 8.4 km, jo vetëm që do të lehtësojë lëvizjen e qytetarëve, por do të ndikojë dukshëm edhe në zhvillimin e bujqësisë dhe blegtorisë në këto fshatra.

Ndërtimi i rrugës i jep fund vështirësive të mëparshme të banorëve të kësaj zone, duke krijuar një lidhje më të shpejtë dhe të sigurt me Mitrovicën. Për më tepër, duke qenë një zonë kufitare, rruga do të lehtësojë edhe punën e organeve të rendit.

Urime të gjithë banorëve!

Nënshkruam memorandume mirëkuptimi me Odën e Inxhinierëve dhe atë të Arkitektëve të Republikës së Kosovës, duke siguruar mbështetje institucionale dhe financiare për funksionalizimin e tyre gjatë periudhës së përkohshme.

Keto memorandume shënojnë një hap të rëndësishëm për rregullimin dhe zhvillimin e profesionit të inxhinierëve dhe arkitektëve në fushën e ndërtimit, duke mundësuar kushte të qëndrueshme për veprimtarinë e tyre dhe forcimin e kapaciteteve profesionale.