Koordinimi i suksesshëm ndër-institucional, ka rezultuar në eliminimin e mbi 1500 deponive ilegale në tre vitet e fundit në Kosovë.
Largimi dhe eliminimi i qëndrueshëm i këtyre deponive ka rëndësi të madhe për shëndetin e qytetarëve, mbrojtjen e mjedisit, zhvillimin e qëndrueshëm të aktiviteteve, përmes kalimit në ekonominë qarkore dhe shfrytëzimit të hapësirave për qëllime rekreative. Kjo gjithashtu shpreh përkushtimin tonë për arritjen e standardeve mjedisore të Bashkimit Evropian, duke synuar integrimin tonë.
Si rezultat i bashkëpunimit të frytshëm dhe partneritetit shumë-palësh dhe punës aktive sistematike, MMPHI, Komuna të Republikës së Kosovës, Agjencioni per Mbrojtjen e Mjedisit te Kosovës, dhe partnerët ndërkombëtar, si GIZ Kosovo, nëpërmjet qeverisë gjermane dhe BMZ, por dhe veçanërisht të rolit aktiv të Bashkimit Evropian (European Union in Kosovo), është arritur që në tre vite të eliminohen përmbi 1500 deponi ilegale në tërë vendin.
Megjithatë, mbetet ende sfiduese numri prej rreth 700 deponive ilegale, të cilat jemi të përkushtuar që së bashku t’i eliminojmë, gjithnjë në bashkëpunim të ngushtë me institucionet relevante dhe veçanërisht qytetarët.
Tashmë përfundimisht, kemi një dakordim të dyanshëm për trasenë se kah do të kaloj hekurudha që lidhë Kosovën me Shqipërinë.
Hekurudha Prishtinë-Durrës, një projekt tejet i rëndësishëm, që po avancon çdo ditë e më shumë, e që pas procesit të nisur të studimit të fizibilitetit, do të fillojnë edhe punimet intensive për realizimin e një prej projekteve më të mëdha infrastrukturore për kombin.Takim i rëndësishëm me kryeshefin e Kompanisë për Menaxhimin e Deponive në Kosovë (KMDK), z. Dardan Velija dhe menaxhmentin e tij, ku diskutuam në lidhje me objektivat e vitit 2024.
Gjatë këtij takimi, u theksua rëndësia e objektivave të KMDK-së për vitin në vijim dhe përpjekjet e tyre për të avancuar në fushën e menaxhimit të mbeturinave. Diskutuam rreth hapave konkrete që do të ndërmarrim për të përmirësuar ndarjen dhe trajtimin e mbeturinave, përfshirë investimet në teknologji të reja.
Gjithashtu, bëmë një vizitë në deponinë e Gjilanit, ku u vërejt potenciali për investime në ndarjen e mbeturinave. Ky veprim shihet si një hap drejt realizimit të objektivave të KMDK-së dhe një kontribut i domosdoshëm i zhvillimit të ekonomisë qarkore, duke theksuar rëndësinë e përdorimit të burimeve të riciklueshme dhe praktikave mjedisore.
