Lajmet

12 janar 2023

Vizitë në komunat veriore të Republikës së Kosovës

Sot gjatë ditës ishim në vizitë në komunat veriore të Republikës së Kosovës.

Nga kjo vizitë, pamë nga afër përfundimin e punimeve të rrugës në Jasenovik, rehabilitimin e rrugëve në Cerrajë, Kushtovë si dhe Bistricë e Vllahisë.

Vizituam zgjerimin e rrugës në Bërnjak dhe përfundimin e punëve për shtrirjen e rrjetit optik nëntokësorë në Qabër, Zubin Potok e Bërnjak.

Mbesim të përkushtuar në angazhimin tonë të përditshëm për një jetesë më të mirë për të gjithë qytetarët pa dallim, në përputhje me ligjet në fuqi, si dhe për zhvillimin e mëtejshëm ekonomik të vendit.

Më parëshëm I ardhshëm

Lexo dhe:

U mbajt takim i Grupit Punues Ndërministror për Planin Hapësinor të PK “Sharri”

U mbajt takimi i parë i GPNM që do të jetë në përkrahje të Institutit për Planifikim Hapësinor gjatë procesit të hartimit të Planit Hapësinor për PK “Sharri”. GPNM është i përbërë nga përfaqësues të institucioneve të rëndësishme të Qeverisë që në mënyrë të drejtpërdrejtë ndikohen nga zhvillimet në territorin e Parku. Pjesë e rëndësishme e GPNM-së janë edhe përfaqësuesit e pesë komunave pjesëmarrëse në Park (Dragash, Prizren, Suharekë, Shtërpce dhe Kaçanik). Në takim fillimisht u prezantuan arsyet për hartimin e Planit të ri Hapësinor, duke vazhduar më tutje me hapat e rëndësishëm në procesin e hartimit të Planit. Gjatë prezantimit u potencua se ndihma dhe përkrahja e GPNM-së, në veçanti e Drejtorisë së PK “Sharri” është shumë e rëndësishme për faktin se të dhënat, rekomandimet dhe vërejtjet do të ndihmojnë në përmbajtjen përfundimtare të dokumentit.

12 janar 2023 Lexo më shumë

Ka vazhduar sot mbjellja e drunjëve në aksin rrugor që të shpie tek Aeroporti Ndërkombëtar i Prishtinës

Bashkë me Presidentën e Republikës së Kosovës znj. Vjosa Osmani dhe Ministrin e Bujqësisë, Pylltarisë dhe Zhvillimit Rural, z.Faton Peci, u zotuam se do ta bëjmë edhe më të bukur e më të pastër ambientin përreth nesh, duke bërë kështu mbjelljen e 1 milion drunjëve.

Para një viti filluam mbjelljen nëpër komuna të ndryshme të Kosovës, për të vazhduar sot me mbjelljet e drunjëve në aksin rrugor që të shpie tek Aeroporti Ndërkombëtar i Prishtinës. Bashkëpunimi me qytetarë, biznese, komuna, e veçanërisht me mërgatën, për gjelbërim të mëtejshëm të vendit tonë, do të vazhdojë edhe më tej, sepse investimi më i mirë për vendin tonë është kujdesi që sot tregojmë ndaj mjedisit. Është obligim i gjithsecilit nga ne, që të angazhohemi për këtë detyrë të mirëfilltë patriotike.