Arritje e madhe diplomatike dhe mjedisore për Kosovën
Pas një pune të gjatë dhe me mbështetjen e UNDP-së dhe Qeverisë Gjermane, Republika e Kosovës është pranuar në NDC Partnership, një koalicion global që bashkon mbi 140 shtete dhe 110 institucione ndërkombëtare për të bashkëpunu në zbatimin e Kontributit të Përcaktuar Kombëtar (NDC) që Kosova ka aprovuar në Mars të këtij viti.
Ky është mekanizmi i parë shumëpalësh i ndërlidhur me Marrëveshjen e Parisit që e njeh Kosovën si shtet. Përmes tij, Kosova do të ketë qasje në mbështetje teknike, financiare dhe politike për projekte konkrete në përshtatje ndaj ndryshimeve klimatike, energji, bujqësi dhe transport.