Lajmet

Ishte kënaqësi e madhe të isha pjesë e hapjes së kësaj konference, krahas përfaqësuesve nga USAID, EuroGeographics dhe zyrtarëve nga AKK.

Si Qeveri dhe Ministri, digjitalizimi, transparenca dhe thjeshtimi i shërbimeve për qytetarët dhe bizneset, kanë qenë dhe vazhdojnë të jenë prioritetet tona.

Kemi miratuar ligje kyçe si ai për Infrastrukturën Kombëtare të Informacionit Hapësinor dhe Kadastër, duke siguruar qasje të barabartë dhe transparente në pasuri. Kemi avancuar digjitalizimin e shërbimeve publike, si certifikatat e pronësisë dhe gjurmimin e lëndëve përmes platformës eKosova, dhe për momentin jemi duke i ndërlidhur qytetarët me adresat e tyre zyrtare, me mbi 70,000 adresa të digjitalizuara deri sot.

Pas një periudhe sfidash dhe ndërprerje të kontratës me kontraktorin e mëparshëm që u trashëgua nga 2019 nga qeveria e kaluar dhe që u tregua i papërgjegjshëm, këtë vit rifilluam procedurat e prokurimit dhe sot kemi nënshkruar kontratën me operatorin e ri për përfundimin e këtij projekti.

Punimet pritet të zgjasin një vit sipas planit dinamik. Ky projekt do të përmirësojë ndjeshëm infrastrukturën e rrugës Nacionale N2, duke e zgjeruar atë në një rrugë me nga dy korsi në secilin drejtim, dhe do të kontribuoj në rritjen e sigurisë dhe lehtësisë së qarkullimit për qytetarët e Ferizajit dhe të gjithë rajonin.