Në konferencën “Digital Mobility and ITS Conference for Western Balkans” që po zhvillohet në Sevilje, Spanjë, prezantuam të arriturat tona
Në kuadër të konferencës “Digital Mobility and ITS Conference for Western Balkans” që po zhvillohet në Sevilje, Spanjë, prezantuam të arriturat tona gjatë këtij mandati në fushën e mobilitetit digjital dhe sistemeve inteligjente të trafikut.
Ndër to përfshihen: miratimi i Strategjisë për ITS, Plani i Veprimit, adoptimi i Ligjit për Rrugët si dhe aktet nënligjore përcjellëse. Paralelisht, kemi nisur edhe operacionalizimin e strategjisë dhe punimet për dizajnimin e Qendrës për Menaxhimin e Trafikut (TMC). Kjo qendër do të shërbejë si një njësi kombëtare për monitorimin e trafikut, analizën e të dhënave, menaxhimin e incidenteve dhe ofrimin e shërbimeve të informacionit në kohë reale.
Mbetemi të përkushtuar në përmirësimin e sigurisë dhe efikasitetit të transportit në Kosovë, me impakt direkt në zhvillimin ekonomik, mirëqenien sociale dhe mbrojtjen e mjedisit.
