Lajmet

Rruga Junik-Gjeravicë, për të cilën aktualisht po punohet me ritme të shpejta në terren, është një nga projektet infrastrukturore premtuese me një dimension shumë të rëndësishëm për zhvillimin ekonomik të vendit tonë. Kjo rrugë tejet e rëndësishme, njëherit është edhe në tërësi financim i Qeverisjes së Republikës së Kosovës.

Zv/Ministri i Infrastrukturës, z. Hysen Durmishi, bashkë me kolegë, ishte sot në terren për të inspektuar ecurinë e deritanishme të punës në rrugën që po ndërtohet, e cila rrugë do të financohet në shumën prej 4.416 milionë Euro. Ky projekt tani po jetësohet me ritme të shpejta për ta gëzuar të gjithë qyterarët.

Në mbledhjen e sotshme të Qeverisë, miratuam vendimin e parë për shpronësimin e parcelave për realizimin e Projektit të rrugës Prizren - Tetovë.

Kjo rrugë lidhë dy autostrada ndërkombëtare të cilat kalojnë në dy anët e maleve të Sharrit – respektivisht lidhet auto ruta europiane E65 në Maqedoninë e Veriut me auto rutën E80 në Kosovë.

Lidhja e këtyre dy rrugëve në pikën më të afërt mes tyre, përveç se i ofron dy qytetet dhe dy shtetet tona, ajo mundëson hapjen e një korridori të ri rrugor që ka impakt në rajonin e gjerë të Ballkanit.

Ky vendim i hapë rrugë inicimit të procedurave për shpalljen e njoftimit për tenderimin e kësaj rruge, e që do të bëhet shumë shpejt.