Lajmet

Sot isha pjesë e hapjes së Konferencës së Tretë Ndërkombëtare mbi Arkitekturën dhe Evolucionin me temën "Future Frames – Inteligjenca Artificiale në Arkitekturë dhe Evolucion Urban", ku diskutuam rëndësinë e kombinimit të Inteligjencës Artificiale me kreativitetin njerëzor për të optimizuar ndërtimin e një të ardhmeje të qëndrueshme dhe të përgatitur për ndryshimet mjedisore dhe sociale të së ardhmes.

E përgëzoj Fakultetin e Arkitekturës të Universitetit të Prishtinës dhe institucionet e tjera të përfshira, por sidomos studentët, për këtë organizim ku inkurajohet bashkëpunimi, inovacioni dhe mendimi i guximshëm, kritik dhe kreativ.

Vazhdojnë punimet dinamike në infrastrukturë në veri të vendit. Sot, bashkë me ministrin e MPB, z. Xhelal Sveçla, dhe ministrin e MAPL, z. Elbert Krasniqi, përuruam rrugën Vidomiriç – Banovdo në Mitrovicën e Veriut.

Kjo rrugë është po ashtu në vazhdën e përkushtimit tonë për të rritur sigurinë dhe mundësuar qarkullimin në këtë pjesë të vendit, që për gjithë këto vite ka qenë e harruar, si dhe krijimin e një rrjeti të rrugëve të reja duke hapur e lidhur sa më shumë këtë zonë me pjesën tjetër të vendit.