Lajmet

Takim ndërmjet komisioneve profesionale për zbatimin e marrëveshjeve rrugore në mes të Kosovës dhe Malit të Zi

Në Rozhajë, në takim bilateral me zëvendës kryeministrin e Malit të Zi, njëherazi ministrin për Investime Kapitale të këtij shteti, z. Ervin Ibrahimović, për të diskutuar rreth zbatimit të projekteve të Infrastrukturës ndërmjet Qeverisë së Malit të Zi dhe Qeverisë së Republikës së Kosovës.

Bashkëbiseduam për angazhimet dhe prioritetet e qeverisjes tonë në çështje që lidhen me transportin. Në veçanti, zhvillimit të mëtejshëm të marrëdhënieve miqësore dhe ideve të shtimit të rrugëve komunikuese në mes dy vendeve tona, me theks të veçantë për rrugën Pejë-Rozhajë si dhe rrugën Deçan-Plavë , për të cilat projekte, ndajmë bindjen dhe interesin e përbashkët që t'i shtyejmë përpara e t’i konkretizojmë.

Po ashtu, zhvilluam takime me kryetarin e komunës së Rozhajës, z. Rahman Husoviq, si dhe kryetarin e komunës së Plavës, z. Nihad Canoviq, si dhe vizituam aksin rrugor Plavë-Deçan, me ç’rast bashkarisht me anëtarë të komisioneve teknike profesionale të dy vendeve, u dakorduam që të vazhdojmë më tutje në konkretizimin e propozimeve për zgjedhjet ideore të projekteve të reja si dhe vazhdimin e punimeve të projekteve që tashmë janë në proces.

Në të gjitha takimet, shprehëm gatishmërinë e vullnetin e përbashkët, që marrëveshjet e nënshkruara në Tetor të 2022, t’i konkretizojmë sa më parë.

Me rastin e shënimit të 8 Nëntorit “Ditës Botërore të Planifikimit të Qyteteve” dhe njëzet vjetorit të themelimit të Institutit për Planifikim Hapësinor u organizua tubim me kolegë, bashkëpunëtorë dhe përfaqësues të institucioneve që kontribuuan në themelimin dhe ndërtimin e Institutit për Planifikim Hapësinor.

Ky aktivitet tashmë i shndërruar në ngjarje tradicionale për sektorin e planifikimit hapësinor, për disa vite me radhë është shfrytëzuar për të trajtuar tema nga më të ndryshmet që lidhen me fushën e planifikimit hapësinor. Këtë vit, tema kryesore ishte Instituti për Planifikim Hapësinor, i cili shënon njëzet vjetorin e themelimit të tij. Në kuadër të manifestimit ishin të ftuar bashkëpunëtorë, ish kolegë dhe përfaqësues të institucioneve që në mënyra të ndryshme kanë ndikuar në zhvillimin e Institut.

Pjesa qendrore e manifestimit ishte video e përgatitur nga vet Instituti, e cila në përbërjen e vet kishte foto dhe video materiale nga ngjarje dhe momente të ndryshme që e kanë karakterizuar punën e deritashme të Institutit. 

Manifestimi u mbyll me fjalë rasti nga protagonistët, të cilët në forma të ndryshme ishin pjesë e procesit të zhvillimit të Institutit.

Për të gjithë pjesëmarrësit, në fund të manifestimit u organizua koktej rasti pjesë e të cilit ishte edhe Ministri Aliu, që e bëri urimin formal të 20 vjetorit të themelimit të Institutit, duke shprehur edhe gatishmërinë për fuqizimin dhe avancimin e mëtutjeshëm të tij.