Mjedisi dhe Planifikimi hapësinor

INFRASTRUKTURA

Shqip

English

Srpski

Lajmet

14 shkurt 2024

Lajm tejet i mirë përfundimi i Shpronësimit për Lokalitetin Arkeologjik Ulpiana

Lajm tejet i mirë përfundimi i Shpronësimit për Lokalitetin Arkeologjik Ulpiana.
Pas vendimit të parë të datës 12 Tetor, 2023, kur edhe nisi procesi i shpronësimit të pronave, sot në mbledhjen e Qeverisë, miratuam vendimet përfundimtare të shpronësimit për realizimin e Projektit të Lokalitetit Arkeologjik Ulpiana.
Marrë parasysh rëndësinë e trashëgimisë arkeologjike, Qeveria jonë i ka ndërmarrë të gjitha hapat e duhura për mbrojtjen dhe promovimin e këtij lokaliteti, njëherit mbishkrimit i cili paraqet një dëshmi shumë të rrallë të historisë dhe lashtësisë së Popullit Shqiptar.

Lexo dhe:

Zhbllokohet projekti i rrugës Prishtinë-Mitrovicë.


Sot në konferencë për media, bashkë me zv. Ministrin Durmishi, prezantuam vendimin e shumëpritur të nënshkrimit të kontratës së Projektit të Rrugës Nacionale Prishtinë - Mitrovicë.

Më datën 2 tetor 2023, publikuam njoftimin për dorëzimin e ofertave për ekzekutimin e punimeve në Projektin e Rrugës Nacionale N2 Prishtinë - Mitrovicë, segmenti nga Lumi i Madh deri në Gojbulë, me një gjatësi prej 9.78 km, e sot, nënshkruam kontratën për fillimin e punimeve.

Punët ndërtimore përfshijnë zgjerimin e rrugës ekzistuese, duke e transformuar atë nga një rrugë me dy korsi në një rrugë me dy drejtime të ndara, secila me dy korsi të gjerë 3.75 m, dhe korsi ndihmëse në të dyja anët me gjerësi 2.0 m, si dhe objekte dhe struktura infrastrukturore të tjera (vepra të artit/ura).

Ky projekt financohet nga huamarrja nga Fondi i OPEC-ut për Zhvillim Ndërkombëtar (OPEC Fund) në bashkëfinancim me Fondin Saudit për Zhvillim (Saudi Fund for Development SFD), me një vlerë kontrate prej 25 milion € dhe kohëzgjatje ekzekutimi prej 12 muajsh.

Operatori Ekonomik është konsorciumi "JV HYDROSTROY JSC SOFIA & ESKAVATORI LLC" nga Bullgaria dhe Kosova. Gjithashtu, Kompania "IC Consulenten" nga Austria është angazhuar për mbikëqyrjen e punimeve në këtë segment, duke kryer rolin e Inxhinierit të pavarur për mbikëqyrjen e ekzekutimit të të gjitha punimeve.

 

08 shkurt 2024 Lexo më shumë

Miratohet strategjia e Sistemit Inteligjent të Transportit (SIT)

Miratohet strategjia e Sistemit Inteligjent të Transportit (SIT), me anë të së cilës:

• Përmirësohet Siguria • Rritet Efikasiteti i Transportit • Përmirësohet Mirëqenia Sociale • Zhvillohet Ekonomia • Mbrohet Mjedisi • Integrohemi në Sistemet e Transportit Rajonal dhe Europian •

Sot, në mbledhjen e Qeverisë, pas një pune shumë intensive, miratuam strategjinë e Sistemit Inteligjent të Transportit (SIT), që do të kontribuojë në përmirësimin e sigurisë, lëvizshmërisë dhe efikasitetit të transportit në Kosovë, me impakt direkt në zhvillimin ekonomik, mirëqenien sociale dhe mbrojtjen e mjedisit.

Vendosja e SIT si një qasje e re planifikimi, do të adresojë sfidat aktuale të sektorit të transportit në vendin tonë dhe njëherit do të hedh themelet për të ardhmen e transportit, nëpërmjet të së cilës do të zhvillohet sistemi i teknologjisë së informacionit dhe komunikimeve në trafikun rrugor, dhe do të bëhet menaxhimi më i avancuar i trafikut dhe mobilitetit, dhe incidenteve në trafik.

Pas miratimit të Strategjisë:

• Hapi i parë do të jetë transpozimi i Acquis së BE-së në legjislacionin vendor si parakusht për vendosjen e Sistemit Inteligjent të Transportit, duke u bazuar në standardet e BE-së.

• Hapi i dytë do të jetë ndërtimi i Qendrës për Menaxhimin e Trafikut, respektivisht vendosja e infrastrukturës së (SIT) në rrjetin rrugor dhe hekurudhor të TEN-T-së
14 shkurt 2024 Lexo më shumë
Copyright ©

Ministria e Mjedisit, Planifikimit Hapësinor dhe Infrastrukturës