5239 - Galeria_single | MMPH

'

Prishtinë, 08.05. 2012 - Ministri i Zhvillimit Ekonomik Besim Beqaj së bashku me Kryetarin e Komunës së Drenasit Nexhat Demaku kanë vizituar  të martën Ndërmarrjen NewCo Ferronikeli në Drenas.

Më këtë rast ministri Beqaj është shprehur se Ferronikeli është  duke u treguar i suksesshëm ku njëherësh është duke u  treguar i vëmendshëm në drejtim të mbrojtjes së ambientit. “Ndërmarrja  Ferronikeli  po  tregon sukseset e saja, e cila ka bërë investime kapitale dhe kohët e fundit  ka tregu përkujdesje ndaj ambientit ku ka bërë  investime mbi 12 milionë euro në ambient po ashtu ka vendosur matës të cilët janë të rëndësishëm, “ka thënë ministri Beqaj, duke shtuar se kjo ndërmarrje kontribuon në mënyrë të drejtpërdrejt në raportet kontraktuale,  e cila  ka mbi 200 nën kontraktues.

Po ashtu ministri Beqaj theksoi se Ferronikeli  ka mbi 1 mijë të punësuar i cili është kontribuues i  fuqishëm i buxhetit. ”Është  edhe një ndër kontraktuesit më të mëdhenj të KEK-ut, të Hekurudhave dhe ne si Qeveri jemi të interesuar që së bashku t’i trajtojmë të gjitha çështjet  që të kemi një mirëkuptim me këtë ndërmarrje”, ka pohuar Beqaj  i cili ka përgëzuar Ferronikelin për projektet sociale.

”E kemi përgëzuar  Ferronikelin  për projektet sociale, të cilat tani është duke i marrë siç është  ndërtimi i rrugës dhe projektet  tjera të cilat bashkë me komunën kanë gjetur  mirëkuptim” ka thënë ministri Beqaj.

Ministri Beqaj i ka ofruar menaxhmentit të Ferronikelit bashkëpunimin qeveritar, i cili sipas tij është me interes të të gjithëve në veçanti qytetarëve. “ Ne i ofruam bashkëpunimin tonë si Qeveri përkujdesjen institucionale që çdo gjë e cila mund të jetë në duart e trajtimit institucional për të mirën e  këtyre 1 mijë punëtorëve dhe komunës dhe mirëqenien e ndërmarrjes dhe stabilitetin e saj por gjithsesi në çdo moment duhet  respektuar të gjitha obligimet që Kompania i ka marr edhe  në raport me  shtetin dhe ambientin përfshirë edhe obligimet për  të punësuarit në këtë ndërmarrje “ ka thënë Beqaj.

Ai me tej ka pohuar se  dy ministritë Ministria e Zhvillimit Ekonomik dhe Ministria e Ambientit kanë një harmonizim të plotë sa i përket lejeve  të integruara për ambient dhe dy ministritë i kanë inkurajuar të gjitha ndërmarrjet  që të hynë në një proces të tillë sa më shpejt dhe të plotësohen të gjitha standardet.

“Për ne është  inkurajuese që ndërmarrja gjithashtu është në  proces  të certifikimit ndërkombëtar për standardet mjedisore dhe ky është një argument shtesë, sepse nuk flasim vetëm për leje në nivel nacional por flasim për  standarde ndërkombëtare “ ka thënë ministri Beqaj.

Nga ana tjetër, Nexhat Demaku kryetar i komunës së Drenasit ka pohuar se tashmë është i informuar  edhe për investimet që janë bërë në parandalimin e ndotjes së ambientit dhe  vendosjes së  filtrave, ”Unë  konsideroj që është një punë jashtëzakonisht e mirë është një angazhim i nevojshëm nga ana e menaxhmentit të Ferronikelit, i cili investim është në të mirë të qytetarëve “, ka thënë Demaku.

Ndërsa drejtori gjeneral i Ferronikelit Janis Moutafis ka falënderuar ministrin Beqaj dhe kryetarin Demaku për vizitën e bërë kësaj ndërmarrje, duke shtuar se llogarit në mbështetjen institucionale.

“Jemi të bindur që do të vazhdojmë në përmirësimin e uzinës. Ne gjithashtu kemi aplikuar për licencë të APPC kemi marr disa komente nga Ministria e Ambientit në të cilat ne jemi përgjigjur ato tashmë  janë duke u shqyrtuar  por duhet pasur parasysh që ky është një proces i ri si për ne po ashtu edhe për Qeverinë e Kosovës dhe nuk mund të them se sa kohë mund të marr kjo çështje, por shpresoj që shpejt do t’ia dalim dhe të licencohemi me këtë leje” ka thënë Moutafis.

'